హైద్రాబాద్ నుంచి లండన్ కు నేరుగా విమానాలు!
ఇక ఎక్కడా ఆగకుండా హైదరాబాద్ నుంచి లండన్ వెళ్లిపోవచ్చు!
హైదరాబాద్ నుంచి లండన్ కు నాన్ స్టాప్ సర్వీసులు
ప్రవేశపెట్టిన ఎయిరిండియా
నేటి నుంచి అందుబాటులోకి సర్వీసులు
9 గంటల్లో లండన్ చేరిక
ఇప్పటివరకు హైదరాబాద్ నుంచి లండన్ వెళ్లాలంటే మార్గమధ్యంలో మనదేశంలోని ముంబయ్ ,ఢిల్లీ ,లాంటి నగరాలకు లేదా దుబాయ్, అబుదాబి వంటి నగరాలకు చేరుకుని అక్కడ్నించి మళ్లీ ప్రయాణం చేయాల్సి వచ్చేది. ఇకపై ఆ అవసరం లేదు! హైదరాబాద్ నుంచి లండన్ కు నాన్ స్టాప్ విమాన సర్వీసులు అందుబాటులోకి వచ్చేశాయి. ఎయిరిండియా నేటి నుంచి లండన్ కు నాన్ స్టాప్ సర్వీసులు ప్రవేశపెడుతోంది.
ఈ విమాన సర్వీసులు వారంలో రెండు పర్యాయాలు శంషాబాద్ ఇంటర్నేషనల్ ఎయిర్ పోర్టు నుంచి లండన్ వెళతాయి. ఇవి హైదరాబాద్ నుంచి లండన్ లోని హీత్రూ ఎయిర్ పోర్టుకు 9 గంటల్లో చేరుకుంటాయి. గతంలో ఈ రెండు నగరాల మధ్య ప్రయాణం చాలా అధికంగా ఉండేది. ఇప్పుడు ఎంతో సమయం ఆదా కానుంది. ప్రయాణ సమయం సుమారు గంట నుంచి 2 గంటల వరకు తగ్గుతుంది. అంటే కాకుండా వేరే దగ్గర విమానం మారాలంటే కనీసం 3 గంటల వరకు వెయిటింగ్ ఉంటుంది . అందువల్ల చాల సమయం అవుతుంది. టికెట్ ధరల్లో కూడా వ్యత్యాసం ఉంటుంది. అందువల్ల లండన్ తో పాటు అమెరికా ,కెనడా లాంటి దేశాలకు కూడా లండన్ నుంచి పోవడం సులువుగా ఉంటుంది.
