తెలంగాణాలో కొలిక్కి రాని పీ ఆర్ సి -ఉద్యోగుల ఎదురుచూపులు

తెలంగాణాలో కొలిక్కి రాని పీ ఆర్ సి -ఉద్యోగుల ఎదురుచూపులు
అధికార టీ ఆర్ యస్ 2018 ఎన్నికల ప్రణాళికలో ఉద్యోగుల వయోపరిమితి పెంచుతామని , పీ ఆర్ సి ఇస్తామని హామీనిచ్చారు . కాంగ్రెస్ తాము అధికారంలోకి వస్తే ఉద్యోగుల రిటైర్మెంట్ వయస్సు 60 సంవత్సరాలకు పెంచుతామని హామీని ఇవ్వడంతో తాము అంతకన్నా ఒక సంవత్సరం ఎక్కువగానే 61 సంవత్సరాలకు అధికారంలోకి రాగానే పెంచుతామని టీ ఆర్ యస్ హామీనిచ్చింది . . ఎన్నికలకు ముందు ఇచ్చిన హామీలు ఎన్నికలు అవిపోయాయి . తిరిగి టీ ఆర్ యస్ అధికారంలోకి వచ్చింది. రెండేళ్ల కాలం గడిచిపోయింది , కానీ పీ ఆర్ సి లేదు , వయోపరిమితి పెంచలేదు .వాటికోసం ఉద్యోగులు వేయికళ్లతో ఎదురుచూస్తున్నారు. టీ ఆర్ యస్ ఎన్నికల ప్రణాళిక నమ్మి ఓట్లు వేసిన ఉద్యోగులంతా పశ్చత్తాప పడుతున్నారు . టీ ఆర్ యస్ అధికారంలోకి వచ్చి రెండు సంవత్సరాలు అయింది . రెండుసంవత్సరాల నుండి , వేలాదిమంది ఉద్యోగులు పదవి విరమణ పొందారు . ఇప్పుడు ఉద్యోగుల వయోపరిమితి పెంచుతామని ప్రభుత్వం చెబుతుంది .అంటే ఈ రెండు సంవత్సరాలుగా పదవి విరమణ పొందినవారు లాస్ అవుతున్నారు . ప్రభుత్వ చర్యలను నిరసిస్తున్నారు . దీనిపై ప్రభుత్వం ఎలాంటి నిర్ణయం తీసుకుంటుందో నని ఎదురు చూస్తున్నారు . ప్రభుత్వం మాత్రం ఉద్యోగులను ఊరిస్తున్నది . ఇదిగో పీ ఆర్ సి అదిగో పీ ఆర్ సి అంటూ ఊదర గొట్టుడు మాటలు తప్ప ఏమీ లేదనే విమర్శలు ఉన్నాయి. తెలంగాణ ఉద్యోగులకు పీ ఆర్ సి అందని ద్రాక్ష లాగానే మిగిలింది . రెండు సంవత్సరాలుగా కాలయాపన చేస్తూ పీ ఆర్ సి ని ప్రకటించ బోతున్నామని ముఖ్యమంత్రి స్వయంగా చెప్పినప్పటికీ ఇంతవరకు కార్యరూపం దాల్చలేదు . తెలంగాణ కోసం తెగించి కొట్లాడిన ఉద్యోగులు తమ ఉద్యోగాలను సైతం కోల్పోయందుకు సైతం సిద్ధపడ్డారు . తెలంగాణ ప్రభుత్వం వచ్చిందని సంబరపడ్డ ఉద్యోగులకు అది ఎంతో కాలం నిలవలేదు . కడుపునిండా పెట్టుకుందాం అన్న కెసిఆర్ కడుపు ఎండబెడుతున్నాడనే విమర్శలు ఉన్నాయి . పైగా ఎన్నికల ప్రణాళికలో ఇచ్చిన హామీని కూడా నెరవేర్చలేదు . ఇదేమంటే కరోనా వచ్చింది ఆర్ధిక వ్యవస్త బాగాలేదని సాకులు చెబుతున్నారు . ధనిక రాష్ట్రము అని గొప్పలు చెప్పిన సీఎం డబ్బులు లేవని పేద పలుకులు పలుకుతున్నారు . చివరకు పీ ఆర్ సి నివేదికను డిసెంబర్ చివరన కమిటీ ప్రభుత్వ ప్రధాన కార్యదర్శి కి అందచేసింది . ఆయన పరిశీలించి వెంటనే పీ ఆర్ సి ప్రకటిస్తారని ఉద్యోగులు ఎంతో ఆశతో ఎదురు చూస్తున్నారు . ప్రభుత్వం చట్టబద్ధంగా ఇవ్వాల్సిన డి . ఏ కూడా కాలయాపన చేస్తుందనే విమర్శలు ఉన్నాయి. వయోపరిమితి విషయంలో ప్రభుత్వం ద్వంద నీతిని ప్రదర్శించటంపై ఉద్యోగులే అసహనం వ్యక్తం చేస్తున్నారు . ఉద్యోగ సంఘ నాయకులకు వారి బంధువులకు దొడ్డిదారిన జిఓలు ఇస్తు మిగతా ఉద్యోగుల విషయంలో అన్యాయం చేయడం ఏమిటని ప్రశ్నిస్తున్నారు. వయోపరిమితిని పెంచుతామని చెప్పి కేసీఆర్ కాలయాపన చేయడం పై ఆగ్రవేశాలు వ్యక్తం అవుతున్నాయి . ప్రభుత్వం ఇప్పటికైనా ఉద్యోగులకు న్యాయం చేయటంతో పాటు నిరుద్యోగులకు ఉద్యోగాలు ఇవ్వాలనే డిమాండ్స్ బలంగా ముందుకు వస్తున్నాయి . ప్రభుత్వం ఉద్యోగుల , నిరుద్యోగుల సమస్యలను ఎప్పుడు పరిస్కరిస్తుందో చూడాలి మరి।।।

Leave a Reply

%d bloggers like this: