Drukpadam || దృక్పధం | Daily Telugu News Update
రాజకీయ వార్తలు

నారా లోకేష్ పై మంత్రి కన్నబాబు సంచలన వ్యాఖ్యలు!

నారా లోకేష్ పై మంత్రి కన్నబాబు సంచలన వ్యాఖ్యలు!
-చంద్రబాబు స్క్రీన్ ప్లే… లోకేశ్ యాక్టింగ్ అంటూ ధ్వజం
-టీడీపీలో తన నాయకత్వాన్ని అంగీకరించే పరిస్థితులు లేవు
-అందుకే లోకేశ్ ఈ నాటకాలు ఆడుతున్నారు
-ఏపీలో పరిస్థితులపై నిలదీస్తున్న లోకేశ్
-ఇవాళ గన్నవరం వద్ద అడ్డుకున్న పోలీసులు
-తీవ్ర ఆగ్రహం వ్యక్తం చేసిన లోకేశ్
-అదే రీతిలో స్పందించిన కన్నబాబు

ఇప్పట్లో ఎన్నికలు లేవు …అయినా ఆంధ్రప్రదేశ్ లో రాజకీయ హీట్ పెరుగుతుంది. నిరంతరం ఎదో ఒక ఆందోళన విమర్శలు ప్రతివిమర్శలతో ,ప్రధాన ప్రతిపక్షం టీడీపీ , బీజేపీ లు అధికార పార్టీ పైన స్పందిస్తున్నాయి. ఇది వైకాపాకు కొంత ఇబ్బంది కలిగించే అంశమే … అందువల్ల ఏపీ లో పాలనా ముందుకు సాగకుండా ప్రతిపక్షం అడ్డుకుంటుందని అభిప్రాయాలూ ఉన్నాయి.

రాష్ట్రంలో మహిళలపై జరిగిన పలు ఘటనల పట్ల టీడీపీ ఎమ్మెల్సీ లోకేశ్ తమ ప్రభుత్వాన్ని తప్పుబడుతుండడంపై మంత్రి కన్నబాబు స్పందించారు. చంద్రబాబుకు, లోకేశ్ కు ప్రజలపై నిజంగా ప్రేమ లేదని ఆరోపించారు. మహిళల భద్రత గురించి ఎవరో చెబితే నేర్చుకోవాల్సిన స్థితిలో తమ ప్రభుత్వం లేదని స్పష్టం చేశారు.

ఏదైనా ఘటన జరిగినప్పుడు తాము ఎలా స్పందిస్తున్నామన్నది అందరికీ తెలుసని అన్నారు. లోకేశ్ చేస్తున్న అల్లరి అంతా తండ్రి చంద్రబాబు ఇచ్చిన శిక్షణ ఫలితమేనని కన్నబాబు వ్యాఖ్యానించారు. చంద్రబాబు స్క్రీన్ ప్లేలో లోకేశ్ నటిస్తున్నాడని వ్యాఖ్యానించారు.

“గతంలో దివాకర్ ట్రావెల్స్ బస్సు ప్రమాదం జరిగితే మా నాయకుడు వెళితే కేసులు పెట్టింది ఎవరి ప్రభుత్వం? మా నేతను రన్ వేపైనే ఆపేసి దారుణంగా వ్యవహరించింది ఎవరు? నాడు కాపులు కంచాలు మోగిస్తే వేలమందిపై కేసులు పెట్టింది ఎవరు?” అంటూ కన్నబాబు టీడీపీ అధినాయకత్వాన్ని నిలదీశారు. సీఎం జగన్ ప్రభుత్వం ప్రజస్వామ్యబద్ధంగా పరిపాలన కొనసాగిస్తోందని ఉద్ఘాటించారు.

తెలుగుదేశం పార్టీలో నారా లోకేశ్ నాయకత్వాన్ని అంగీకరించే పరిస్థితులు లేకపోవడంతో ఇలాంటి నాటకాలు ఆడుతున్నారని కన్నబాబు విమర్శించారు. లోకేశ్ ను ఇవాళ గన్నవరం వద్ద పోలీసులు అడ్డుకోవడం తెలిసిందే. దీనిపై లోకేశ్ తో పాటు టీడీపీ శ్రేణులు తీవ్ర ఆగ్రహావేశాలు వ్యక్తం చేస్తున్నాయి.

Related posts

తిరుపతిని రాజధానిని చేయండి: మాజీకేంద్ర మంత్రి చింతా మోహన్!

Drukpadam

అక్టోబ‌ర్ 24న తెలంగాణ‌లోకి రాహుల్ గాంధీ యాత్ర‌…

Drukpadam

సాగర్ లో బీజేపీ ప్రయోగం సక్సెస్ అవుతుందా… ?

Drukpadam

Leave a Comment