Drukpadam || దృక్పధం | Daily Telugu News Update
క్రైమ్ వార్తలు

హైద‌రాబాద్‌లో తీవ్ర‌ క‌ల‌క‌లం.. ప‌క్కింటి అబ్బాయి ఇంట్లో బాలిక మృత‌దేహం!

-హైద‌రాబాద్‌లో తీవ్ర‌ క‌ల‌క‌లం.. ప‌క్కింటి అబ్బాయి ఇంట్లో బాలిక -మృత‌దేహం ల‌భ్యం.. నిందితుడి అంతు చూస్తామంటోన్న స్థానికులు
-సైదాబాద్ లో ఘ‌ట‌న‌
-నిన్న అదృశ్య‌మైన ఆరేళ్ల బాలిక‌
-రాజు అనే యువ‌కుడు హ‌త్యాచారం చేశాడంటోన్న స్థానికులు
-చంపాపేట్ ర‌హ‌దారిపై ధ‌ర్నా.. పోలీసుల‌తో వాగ్వివాదం

హైద‌రాబాద్‌లోని సైదాబాద్‌ లో తీవ్ర‌ క‌ల‌క‌లం చెల‌రేగింది. నిన్న సింగ‌రేణి కాల‌నీలోని ఆరేళ్ల బాలిక అదృశ్య‌మైంది. ఆమె కోసం వెత‌క‌గా చివ‌ర‌కు ప‌క్కింట్లో నివ‌సించే రాజు అనే యువ‌కుడి ఇంట్లో ఆమె మృత‌దేహం లభ్య‌మైంది. అయితే, అప్ప‌టికే రాజు ఆ ఇల్లు వ‌దిలి పారిపోయాడు.

బాలిక‌పై రాజు అత్యాచారానికి పాల్ప‌డి, ఆ త‌ర్వాత చంపేసి, అక్క‌డి నుంచి పారిపోయాడ‌ని స్థానికులు ఆరోపిస్తున్నారు. నిందితుడు రాజును ప‌ట్టుకున్నాక త‌మ‌కు అప్ప‌గించాల‌ని, అత‌డి అంతు చూస్తామ‌ని స్థానికులు డిమాండ్ చేస్తున్నారు. ప‌రారీలో ఉన్న రాజు కోసం పోలీసులు గాలింపు చ‌ర్య‌లు ప్రారంభించారు.

అదే సమయంలో సింగ‌రేణి కాల‌నీలో పోలీసులు భారీగా మోహ‌రించారు. ఎలాంటి అవాంఛ‌నీయ ఘ‌ట‌న చోటు చేసుకోకుండా చ‌ర్య‌లు తీసుకుంటున్నారు. అయిన‌ప్ప‌టికీ సింగ‌రేణి కాల‌నీ వాసులు చంపాపేట్ ర‌హ‌దారిపైకి వ‌చ్చి ధ‌ర్నాకు దిగారు. దీంతో పోలీసులు, కాల‌నీ వాసుల‌కు మ‌ధ్య వాగ్వివాదం కొన‌సాగుతోంది. మ‌రోవైపు, పోస్టు మార్టం నిమిత్తం ఉస్మానియా ఆసుప‌త్రికి బాలిక‌ మృత‌దేహాన్ని త‌ర‌లించారు.

 

రెండు గంట‌ల్లో నిందితుడిని ప‌ట్టుకుంటాం: సైదాబాద్ బాలిక అనుమానాస్పద మృతి ఘటనపై పోలీసుల

  • సైదాబాద్ లోని  సింగ‌రేణి కాల‌నీలో బాలిక అనుమానాస్పద మృతి 
  • నిందితుడికి త్వ‌ర‌గా శిక్ష ప‌డేలా చేస్తామ‌న్న డీసీపీ
  • త‌క్ష‌ణ సాయం కింద బాలిక కుటుంబానికి రూ.50 వేలు
  • కుటుంబానికి రెండు ప‌డ‌క గ‌దుల ఇల్లు
  • కుటుంబంలో ఒక‌రికి ఔట్ సోర్సింగ్ విభాగంలో ఉద్యోగం  

హైద‌రాబాద్‌లోని సైదాబాద్, సింగ‌రేణి కాల‌నీలో ఆరేళ్ల బాలిక అదృశ్య‌మై, ఆమె ప‌క్కింట్లో నివ‌సించే రాజు అనే యువ‌కుడి గదిలో విగ‌త‌జీవిగా క‌న‌ప‌డిన విష‌యం తెలిసిందే. నిందితుడు రాజు ప‌రారీలో ఉన్నాడు. దీంతో ఆ కుటుంబానికి న్యాయం చేయాలంటూ చంపాపేట్ వ‌ద్ద సాగ‌ర్‌రోడ్డుపై స్థానికులు పెద్ద ఎత్తున ధ‌ర్నాకు దిగ‌డంతో అక్క‌డ భారీగా పోలీసులు మోహ‌రించారు.

నిందితుడిని త‌మ‌కు అప్ప‌గించాల్సిందేన‌ని వారు ఇప్ప‌టికీ డిమాండ్ చేస్తున్నారు. అయితే, వీలైనంత త్వరగా నిందితుడికి శిక్ష‌ప‌డేలా చేస్తామ‌ని డీసీపీ ర‌మేశ్ రెడ్డి హామీ ఇచ్చారు. ఆందోళ‌న విర‌మించాల‌ని స్థానికుల‌ను కోరారు. మ‌రో రెండు గంట‌ల్లోనే నిందితుడిని అదుపులోకి తీసుకుంటామ‌ని చెప్పారు.

మ‌రోవైపు అక్కడ‌కు చేరుకున్న హైద‌రాబాద్‌ క‌లెక్ట‌ర్ శ‌ర్మ‌న్ బాలిక కుటుంబ స‌భ్యుల‌తో మాట్లాడారు. త‌క్ష‌ణ సాయం కింద బాలిక కుటుంబానికి రూ.50 వేలు ఇస్తున్న‌ట్లు ప్ర‌క‌టించారు. ప్ర‌భుత్వం త‌ర‌ఫున బాలిక కుటుంబాన్ని ఆదుకుంటామ‌ని చెప్పారు.

బాలిక కుటుంబానికి రెండు ప‌డ‌క గ‌దుల ఇల్లు, బాలిక కుటుంబంలో ఒక‌రికి ఔట్ సోర్సింగ్ విభాగం కింద ఉద్యోగం క‌ల్పిస్తామ‌ని తెలిపారు. బాలిక కుటుంబంలోని ఇద్ద‌రు పిల్ల‌ల‌కు ఉచిత విద్య అందిస్తామ‌ని చెప్పారు. కాగా, బాలిక‌పై రాజు అత్యాచారానికి పాల్ప‌డి, ఆ త‌ర్వాత చంపేసి, పారిపోయాడ‌ని స్థానికులు ఆరోప‌ణ‌లు చేస్తున్నారు.

 

Related posts

పెళ్లి విందులో చికెన్ లేదని గొడవ …ఆగిన పెళ్లి ..!

Drukpadam

తన కుమార్తె షీనా బోరా జీవించే ఉందంటూ సీబీఐకి ఇంద్రాణి లేఖ‌!

Drukpadam

ఒకటీ రెండు కాదు… ఆ భారతీయ దంపతుల వద్ద ఏకంగా 45 పిస్టళ్లు లభ్యం!

Drukpadam

Leave a Comment