Drukpadam || దృక్పధం | Daily Telugu News Update
క్రైమ్ వార్తలు

‘మోదీ ఇచ్చారనుకున్నా’.. ఖాతాలో పడిన 5.5 లక్షలు ఖర్చుపెట్టేసిన వ్యక్తి!

 

‘మోదీ ఇచ్చారనుకున్నా’.. ఖాతాలో పడిన 5.5 లక్షలు ఖర్చుపెట్టేసిన వ్యక్తి!

  • బిహార్ వ్యక్తి ఖాతాలో పొరపాటున పడిన డబ్బు
  • బ్యాంకు అధికారులు ఫోన్ చేసినా తిరిగివ్వని వ్యక్తి
  • మేనేజర్ ఫిర్యాదుతో అరెస్టు చేసిన పోలీసులు

బ్యాంకు అధికారుల పొరపాటుతో ఒక వ్యక్తి ఖాతాలో రూ.5.5 లక్షలు జమయ్యాయి. దీన్ని గుర్తించిన అధికారులు సదరు వ్యక్తికి ఫోన్ చేసి ఆ డబ్బును తిరిగిచ్చేయాలని అడిగారు. అయితే ఆ సొమ్మును ప్రధాని మోదీ నుంచి వచ్చిందనుకొని ఖర్చు పెట్టేసినట్లు ఆ వ్యక్తి చెప్పాడు. ప్రస్తుతం తన ఖాతాలో డబ్బు లేదని, ఆ సొమ్ము తిరిగివ్వలేనని తేల్చేశాడు. దీంతో అతన్ని పోలీసులు అదుపులోకి తీసుకున్నారు. ఈ ఘటన బిహార్‌లోని ఖగారియా ప్రాంతంలో జరిగింది.

స్థానికంగా ఉన్న గ్రామీణ బ్యాంకులో జరిగిన చిన్న పొరపాటుతో.. ఈ ఏడాది మార్చి నెలలో రంజిత్ దాస్ అనే వ్యక్తి ఖాతాలో రూ.5.5 లక్షల రూపాయలు జమయ్యాయి. తర్వాత తీరిగ్గా తమ పొరపాటును గుర్తించిన బ్యాంకు అధికారులు.. ఈ సొమ్మును తిరిగిచ్చేయాలని రంజిత్‌ను అడిగారు.

‘‘ప్రధాని మోదీ ప్రతి ఒక్కరి ఖాతాలో రూ.15 లక్షలు వేస్తారని వార్తలొచ్చాయి. నా ఖాతాలో పడిన డబ్బు దానిలో మొదటి విడత ఇన్‌స్టాల్‌మెంట్ అనుకున్నా. ఆ డబ్బు మొత్తం ఖర్చు పెట్టేశా. ఇప్పుడు నా దగ్గర డబ్బు లేదు’’ అని రంజిత్ చెప్పాడు. బ్యాంకు మేనేజర్ చేసిన ఫిర్యాదుతో కేసు నమోదు చేసుకున్న పోలీసులు రంజిత్‌ను అదుపులోకి తీసుకున్నారు.

 

Related posts

పనిమనిషి నాలుకతో టాయిలెట్ శుభ్రం చేయించిన బీజేపీ బహిష్కృత మహిళా నేత అరెస్ట్!

Drukpadam

ఐఐటీ-ఢిల్లీ ఫెస్ట్‌లో దారుణం.. విద్యార్థినుల వాష్‌రూంలో సీక్రెట్ కెమెరాలు

Ram Narayana

భార్య పేరుపై రూ. 1.90 కోట్ల బీమా.. కారుతో తొక్కి చంపించిన భర్త!

Drukpadam

Leave a Comment