Drukpadam || దృక్పధం | Daily Telugu News Update
రాజకీయ వార్తలు

చంద్రబాబు అరెస్ట్ తప్పదా ?

చంద్రబాబు అరెస్ట్ తప్పదా ?
-రాజధాని భూముల విషయంలో అవినీతిపై పోలీస్ కేసులు
-చంద్రబాబు తో పాటు మాజీమంత్రి నారాయణ ఇతరులపై కేసులు
-ఏ 1 చంద్రబాబు, ఏ 2 గా నారాయణ
-పేపర్ లీకేజ్ కేసులో ఇప్పటికే అరెస్ట్ అయినా నారాయణ

ఏపీ మాజీ సీఎం టీడీపీ అధినేత చంద్రబాబు అరెస్ట్ తప్పదా ? అంటే తప్పదనే అనే మాటలు వినిపిస్తున్నాయి. అమరావతి భూముల విషయంలో అవినీతికి పాల్పడ్డారని , అక్రమాలు జరిగాయని , జగన్ సర్కార్ ప్రభుత్వం విచారణలో తేలిందని అందువల్ల వారిపై కేసులు పెట్టినట్లు సి ఐ డి అధికారులు చెబుతున్నారు . దీనికి తోడు వైసీపీ మంగళగిరి ఎమ్మెల్యే ఆళ్ల రామకృష్ణ రెడ్డి కూడా పోలీస్ స్టేషన్ లో కేసు పెట్టారు . దీంతో రంగంలోకి దిగిన అధికారులు రాజధాని భూముల అక్రమాలపై విచారణ జరిపి చర్యలు చేపట్టారు . వైసీపీ అధికారంలోకి వచ్చిన తరువాత అమరావతి భూములపై విచారణ చేపట్టిన సంగతి తెలిసిందే . మంత్రుల సబ్ కమిటీ కూడా అమరావతి భూములపై విచారణ జరిపి ప్రభుత్వానికి నివేదిక అందజేసింది. అందులో వెల్లడైన అంశములను శాసన సభలో కూడా ఆర్థిక మంత్రి బుగ్గన రాజేంద్రనాథ్ రెడ్డి ప్రవేశ పెట్టారు . దానిపై టీడీపీ తీవ్ర అభ్యంతరాలను వ్యక్తం చేసింది. వైసీపీ , టీడీపీ మధ్య ఇది యుద్ధం గా మారింది. చివరకు సీఆర్డీఏ రద్దు వరకు వెళ్ళింది.

మూడు రాజధానుల విషయంలో సర్కార్ వైఖరిని స్థానిక రైతులు వ్యతిరేకించారు . దానికి ఒక్క వైసీపీ మినహా మిగతా అన్ని పార్టీలు మూడు రాజధానుల ప్రతిపాదనను వ్యతిరేకించాయి. రైతులు రాజధాని తరలింపును వ్యతిరేకిస్తూ సుదీర్ఘ దీక్షలు చేపట్టారు . చివరకు కోర్ట్ రైతులకు అనుకూల తీర్పు ఇవ్వడంతో వారు దీక్షలను విరమించారు . మూడు రాజధానుల బిల్లును జగన్ సర్కార్ వెనక్కు తీసుకుంటున్నట్లు శాసనసభలోని ప్రకటించింది. అప్పుడే రాజధానుల విషయంలో వెనక్కు తగ్గేది లేదని తిరిగి సమగ్రంగా బిల్లు తీసుకోని వస్తామని స్వయంగా ముఖ్యమంత్రి జగన్ మోహన్ రెడ్డి ప్రకటించారు .

సిఆర్దీ ఏ ద్వారా సేకరించిన భూములను అభివృద్ధి చేయడంతో పాటు రాజధానిలో ఆగిపోయిన నిర్మాణాలను వెంటనే పూర్తీ చేయాలనీ హైకోర్టు ఆదేశించింది. కోర్ట్ ఆదేశాలతో ప్రభుత్వంలో చలనం వచ్చింది. పనులు ప్రారంభం అయ్యాయి . కానీ జరిగిన అక్రమాలపై ఫిర్యాదుల ఆధారంగా తిరిగి సి ఐ డి అధికారులు చంద్రబాబు తో పాటు అప్పటి మున్సిపల్ శాఖ మంత్రి నారాయణ పై కేసులు నమోదు చేయడం సంచలనంగా మారింది. ఇప్పుడు తెలుగు రాష్ట్రాల్లో చంద్రబాబు పై కేసు ఆశక్తిగా మారింది.

Related posts

పవన్ కల్యాణ్ కు ఓటేయాలని ఏపీలో ఎవరూ అనుకోవడంలేదు: బైరెడ్డి సిద్ధార్థ్ రెడ్డి

Ram Narayana

కేరళ కేబినెట్​ లోకి అంత కొత్తవారే … కె.కె.శైలజకు దక్కని చోటు!

Drukpadam

ఉచిత విద్యుత్ పై బీఆర్ యస్ ది గోబెల్స్ ప్రచారం …సీఎల్పీ నేత భట్టి

Drukpadam

Leave a Comment