ఆయా దేశాల సంస్కృతి సంప్ర‌దాయాల‌పై డాక్ట‌రేట్ చేసిన ఆమె మ‌న తేట తెలుగును చ‌క్క‌గా..అన‌ర్గ‌ళంగా మాట్లాడుతార‌ట‌. ఇథియోపియా రాజ‌దాని అడ్డిస్ అబాబాలో నూత‌నంగా నిర్మించిన భార‌త రాయ‌బార కార్యాల‌యం భ‌వ‌న స‌ముదాయం ప్రారంభోత్సవానికి జైశంక‌ర్ బుధ‌వారం అక్క‌డికి వెళ్లారు. ఈ సంద‌ర్భంగా ఆ కార్య‌క్ర‌మానికి హాజ‌రైన ఎర్గోజీ టెస్ఫాయీ.. జైశంక‌ర్‌తో మాట క‌లిపారు. ఈ సంద‌ర్భంగా ఆమె తెలుగులో బాగా మాట్లాడార‌ట‌. ఇదే విష‌యాన్ని జైశంక‌ర్ త‌న ట్విట్ట‌ర్ ఖాతాలో ఆమె ఫొటోతో పాటు ఆమె తెలుగుద‌నం ప‌లుకుల గురించి గొప్ప‌గా అభివ‌ర్ణించారు.