Drukpadam || దృక్పధం | Daily Telugu News Update
జాతీయ వార్తలు

వేలాదిగా ఉద్యోగులను తొలగిస్తున్న విమానాల తయారీ సంస్థ బోయింగ్!

వేలాదిగా ఉద్యోగులను తొలగిస్తున్న విమానాల తయారీ సంస్థ బోయింగ్!

  • లేఆఫ్ లు ప్రకటిస్తున్న దిగ్గజ సంస్థలు
  • అదే బాటలో బోయింగ్
  • 2 వేల మందికి ఉద్వాసన పలికేందుకు నిర్ణయం
  • ఔట్ సోర్సింగ్ ఉద్యోగులపై మక్కువ

టెక్ సంస్థలు, ఈ-కామర్స్ సంస్థలు భారీగా ఉద్యోగాల్లో కోత విధిస్తుండగా, ప్రపంచ ప్రఖ్యాతిగాంచిన విమానాల తయారీ సంస్థ బోయింగ్ కూడా అదే పంథాను ఎంచుకుంది. వేలాది మంది ఉద్యోగులను తొలగించేందుకు బోయింగ్ సన్నద్ధమవుతోంది. బోయింగ్ యాజమాన్యం తాజా నిర్ణయంతో 2 వేల మంది తమ ఉద్యోగాలు కోల్పోనున్నారు. వారిస్థానంలో టీసీఎస్ సంస్థ ద్వారా ఔట్ సోర్సింగ్ సిబ్బంది సేవలు ఉపయోగించుకోవాలని బోయింగ్ భావిస్తోంది.

ముఖ్యంగా, మానవ వనరుల విభాగం, ఫైనాన్స్ విభాగంలోని ఉద్యోగులపై వేటు వేయాలని బోయింగ్ నిశ్చయించుకుంది. మూడింట ఒక వంతు ఉద్యోగాలను ఔట్ సోర్సింగ్ కు ఇవ్వాలనేది బోయింగ్ నిర్ణయంగా తెలుస్తోంది. ఈ మేరకు ఓ అంతర్జాతీయ మీడియా సంస్థ పేర్కొంది.

అయితే, ఇంజినీరింగ్, మాన్యుఫాక్చరింగ్ విభాగాల్లో ఈ ఏడాది భారీ సంఖ్యలో కొత్త ఉద్యోగులను తీసుకోనున్నట్టు బోయింగ్ వర్గాలు వెల్లడించాయి. బోయింగ్ నిర్ణయం చూస్తుంటే, కేవలం హెచ్ఆర్, ఫైనాన్స్ విభాగాల్లోనే ఉద్యోగులను తొలగిస్తున్నట్టు అర్థమవుతోంది.

Related posts

అయోధ్య రామమందిర ప్రారంభోత్సవం.. ముఖ్య అతిథులు వీరే!

Ram Narayana

 ముగిసిన కౌన్ బనేగా కరోడ్ పతి సీజన్-15… అమితాబ్ కంట కన్నీరు

Ram Narayana

ఛత్తీస్‌గఢ్‌లో భారీ అగ్ని ప్రమాదం.. పై అంతస్తు నుండి దూకేశారు…!

Drukpadam

Leave a Comment