Drukpadam || దృక్పధం | Daily Telugu News Update
క్రైమ్ వార్తలు

ప్రభుత్వ హాస్పిటల్ సూపరెంటెండెంట్ కు ఇదేం పాడుబుద్ది …..

-నెల్లూరు జీజీహెచ్ సూపరింటెండెంట్ ప్రభాకర్ లైంగిక వేధింపులు.. హౌస్ సర్జన్‌ ఆడియో వైరల్
-జీజీహెచ్‌లో కొనసాగుతున్న లైంగిక వేధింపులు
-తనతో అసభ్యంగా మాట్లాడిన ప్రభాకర్‌కు ఘాటుగా బదులిచ్చిన బాధిత విద్యార్థిని
-సోషల్ మీడియాలో కలకలం రేపిన ఆడియో
-విచారణకు ఆదేశించిన ఇన్‌చార్జ్ కలెక్టర్

చేసేది ఉన్నతమైన బాధ్యతతో కూడుకున్న ప్రభుత్వ ఉద్యోగం చేసేది చిల్లర వ్యవహారం . ఎవరికైనా అన్యాయం జరిగితే బుద్ది చెప్పాల్సిన అధికారి దారితప్పితే ఇక ఆసంస్థ పని తీరు ప్రస్నార్ధకమే అవుతుంది.అలాంటిదే నెల్లూరు ప్రభుత్వ ఆసుపత్రిలో జరిగింది. వివరాల్లోకి పొతే ……..
నెల్లూరు జీజీహెచ్‌లో లైంగిక వేధింపుల పర్వం కొనసాగుతోంది. రెండేళ్ల క్రితం ఓ అధ్యాపకుడు వైద్య విద్యార్థినితో అసభ్యంగా మాట్లాడిన ఆడియో వెలుగు చూడడం, తదనంతర పరిణామాలతో ప్రభుత్వం అతడిని విధుల నుంచి తప్పించి విచారణకు కమిటీ వేసింది. తాజాగా ఆసుపత్రి సూపరింటెండెంట్ డాక్టర్ ప్రభాకర్ ఆడియో ఇప్పుడు సోషల్ మీడియాలో వైరల్ అవుతోంది. తనకు ఫోన్ చేసి వేధిస్తున్న ఆసుపత్రి సూపరింటెండెంట్ కు ఓ హౌస్ సర్జన్ ఘాటుగా సమాధానం చెప్పింది.

నువ్వు నా సోల్‌మేట్‌వి, నా లైఫ్ పార్ట్‌నర్‌వి, వైజాగ్ కోడలయ్యేదానివి.. అన్న ప్రభాకర్ మాటలకు బాధిత విద్యార్థిని బదులిస్తూ.. ఆ మాటలు ఏంటి సర్ అని, నాకు తెలిసినంత వరకు మీకు నా వయసు (23) ఉన్న పిల్లలు ఉంటారని అనుకుంటున్నానని పేర్కొంది. ఎన్నిసార్లు ఫోన్ చేసినా ఏదో ఒక కారణం చెప్పి తప్పించుకుంటున్నానని, నంబరును బ్లాక్ చేస్తే మరో నంబరు నుంచి చేస్తున్నారని ఆవేదన వ్యక్తం చేసింది.

నా రూములో ఏసీ లేకపోతే మీ రూముకు రావాలా? బీచ్‌కు రమ్మంటారా? ఏం మాటలు సర్ ఇవి? అని ప్రశ్నించింది. మీ వల్ల తాను మానసికంగా ఇబ్బంది పడుతున్నానని, కొన్ని నెలలుగా పుస్తకాలు కూడా ముట్టుకోలేదని బాధిత విద్యార్థిని పేర్కొంది. విధులు నిర్వర్తిస్తున్నా హాజరు వేయడం లేదని వాపోయింది. ఆడియో వైరల్ కావడతో జిల్లా ఇన్‌చార్జ్ కలెక్టర్ హరేందిర ప్రసాద్ విచారణకు ఆదేశించారు.

Related posts

స్కూల్​ లో గోడ కూలి ముగ్గురు విద్యార్థుల దుర్మరణం.. తమిళనాడులో విషాదం!

Drukpadam

జీన్స్ వేసుకుందని అమ్మాయిని కొట్టి చంపారు!

Drukpadam

అరెపల్లిలో తీన్మార్ మల్లన్న అరెస్ట్.. ఉద్రిక్తత!

Drukpadam

Leave a Comment