Drukpadam || దృక్పధం | Daily Telugu News Update
ఆంధ్రప్రదేశ్

ముంబయిలో నమ్మశక్యం కాని ఘటన… కుంగిన భూమిలోకి జారిపోయిన కారు…

ముంబయిలో నమ్మశక్యం కాని ఘటన… కుంగిన భూమిలోకి జారిపోయిన కారు
ముంబయిలో భారీ వర్షాలు
ఎక్కడ చూసినా నీళ్లే
ఘట్కోపర్ ప్రాంతంలో కుంగిన భూమి
అదే ప్రదేశంలో కారు పార్కింగ్
నిట్టనిలువుగా మునిగిన కారు

ముంబై : గత కొన్నిరోజులుగా ముంబయి నగరాన్ని భారీ వర్షాలు అతలాకుతలం చేస్తున్నాయి. ఎక్కడ చూసినా నీళ్లే కనిపిస్తున్నాయి. ఈ క్రమంలో నగరంలోని ఘట్కోపర్ ప్రాంతంలో ఎవరూ ఊహించని ఘటన చోటుచేసుకుంది. నిలిపి ఉంచిన కారు… ఒక్కసారిగా భూమి కుంగిపోవడంతో, ఆ గుంతలోకి జారిపోయింది. కుంగిన భూమిలో నీరు ఉబికి రాగా, ఆ నీటిలో కారు పూర్తిగా మునిగిపోవడం దిగ్భ్రాంతి కలిగించింది . దీనికి సంబంధించిన వీడియో సామాజిక మాధ్యమాల్లో దర్శనమిస్తోంది. అయితే ఆ కారుకు అటూ ఇటూ నిలిపి ఉంచిన వాహనాలు మాత్రం యథాతథంగా ఉన్నాయి.

దీనిపై ముంబయి ట్రాఫిక్ పోలీసులు స్పందించారు. ఆ కారు నిలిపి ఉంచిన ప్రాంతంలో ఒకప్పుడు బావి ఉండేదని, కాలక్రమంలో దాన్ని మట్టితో నింపేశారని తెలిపారు. కొందరు దానిపై కాంక్రీట్ వేసి పార్కింగ్ ఏరియాగా మార్చుకున్నారని వెల్లడించారు. ప్రస్తుతం భారీ వర్షాలు కురుస్తుండడంతో, భూమి కుంగిపోయి ఉంటుందని వివరించారు. ఈ ఘటన జరిగిన సమయంలో కారులో ఎవరూ లేకపోవడంతో పెను ప్రమాదం తప్పినట్టయింది.

Related posts

నిండు కుండా నందికొండ ….నీటి విడుదలకు కేసీఆర్ ఆదేశం!

Drukpadam

ఏపీ లో మంత్రి వ్యాఖ్యలపై దుమారం…

Drukpadam

వైద్యరంగంలో విప్లవం ….ఒకేసారి 8 మెడికల్ కాలేజీలు ప్రారంభించిన సీఎం కేసీఆర్ !

Drukpadam

Leave a Comment