- మోర్బీలో మచ్చూ నదిపై కూలిన కేబుల్ బ్రిడ్జి
- 134 మంది దుర్మరణం
- మోర్బీలో పర్యటించిన మోదీ
- ఆసుపత్రిలో క్షతగాత్రులకు పరామర్శ
- గుజరాత్ సీఎం, అధికారులతో ఉన్నతస్థాయి సమావేశం
గుజరాత్ లో మోర్బీలో జరిగిన తీగెల వంతెన ప్రమాదంలో అధికార ప్రకటన ప్రకారం 134 మరణించారు. ఈ సంఘటనపై ప్రపంచమే దిగ్బ్రాంతి వ్యక్తం చేసింది.అదే రాష్ట్రానికి చెందిన ప్రధాని మోడీ మోర్బీలో పర్యటన చేశారు .ఆపత్రిలో చికిత్స పొందుతున్నవారిని పరామర్శించారు. ఇప్పటికే సంఘటనపై న్యాయ విచారణకు ఆదేశించారు.
గుజరాత్ లోని మోర్బీలో మచ్చూ నదిపై ఓ తీగల వంతెన కూలిపోయిన ఘటనలో 134 మంది మరణించడం తెలిసిందే. ఈ ఘటన దేశవ్యాప్తంగా దిగ్భ్రాంతి కలిగించింది. సొంత రాష్ట్రం గుజరాత్ లో జరిగిన ఈ దుర్ఘటన పట్ల ప్రధాని నరేంద్ర మోదీ తీవ్ర విచారం వ్యక్తం చేశారు.
ఈ నేపథ్యంలో, మోదీ నేడు గుజరాత్ పర్యటనకు వచ్చారు. మోర్బీలో తీగల వంతెన కూలిపోయిన ప్రదేశాన్ని పరిశీలించారు. ప్రమాదానికి గల కారణాలు, సంఘటన స్థలంలో జరుగుతున్న సహాయక చర్యల గురించి అధికారులను అడిగి వివరాలు తెలుసుకున్నారు.
అనంతరం, ఈ ప్రమాదంలో గాయపడి మోర్బీ ఆసుపత్రిలో చికిత్స పొందుతున్న వారిని పరామర్శించారు. క్షతగాత్రులు త్వరగా కోలుకోవాలని, వారు ధైర్యంగా ఉండాలని అన్నారు. ఆపై, గుజరాత్ ముఖ్యమంత్రి, అధికారులతో మోదీ ఉన్నతస్థాయి సమావేశం నిర్వహించారు. మోర్బీ వంతెన ప్రమాదంపై సమీక్ష చేపట్టారు.
