Drukpadam || దృక్పధం | Daily Telugu News Update
ఆంధ్రప్రదేశ్

వెంకయ్యనాయుడు తరువాత కిషన్ రెడ్డి కి అరుదైన అవకాశం…

వెంకయ్యనాయుడు తరువాత కిషన్ రెడ్డి కి అరుదైన అవకాశం…

కేంద్ర కేబినెట్‌లో చోటుతో రికార్డుల్లోకి కిషన్‌రెడ్డి
వెంకయ్యనాయుడు తర్వాత కేబినెట్‌లో చోటు దక్కించుకున్న తెలుగు రాష్ట్రాల నేత
పనితీరుతో మోదీ, అమిత్‌షాను ఆకట్టుకున్న కిషన్ రెడ్డి
2019లో ఎంపీగా ఎన్నికైన తొలిసారే మంత్రి పదవి

ఒక తెలుగు వాడు బీజేపీ ప్రభుత్వంలో కేంద్ర కెబినెట్ లో చేరడం వెంకయ్యనాయుడు తరువాత ఇదే మొదటిసారి కావడం విశేషం . ఇది ఆయన పనితీరుకు పట్టుదలకు నిదర్శనంగా పరిశీలకులు భావిస్తున్నారు.

మొదటిసారి ఎంపీగా గెలుపొందిన కిషన్ రెడ్డి మోడీ రెండవసారి అధికారంలోకి వచ్చిన తరువాత మోడీ కెబినెట్ లో బెర్త్ దక్కించుకున్నారు. హోంశాఖ సహాయమంత్రిగా అమిత్ షా కింద పనిచేసిన కిషన్ రెడ్డికి మంచి మార్కులే లభించాయి. దీంతో ఆయనకు ప్రమోషన్ లభించింది.

నిన్న జరిగిన కేంద్ర కేబినెట్‌ విస్తరణలో ప్రమోషన్ దక్కించుకున్న తెలంగాణ బీజేపీ నేత కిషన్‌రెడ్డి రికార్డుల్లోకి ఎక్కారు. సాంస్కృతిక, పర్యాటకం, ఈశాన్య రాష్ట్రాల అభివృద్ధి శాఖలను ఆయనకు కేటాయించారు. ఇక తెలంగాణ ఆవిర్భావం తర్వాత కేంద్ర మంత్రివర్గంలో తెలంగాణ నుంచి కేబినెట్ హోదా దక్కించుకున్న తొలి నేతగా గుర్తింపు పొందారు.

హోంశాఖ సహాయమంత్రిగా 25 నెలల ఏడు రోజులు పనిచేసిన కిషన్‌రెడ్డి నిన్న కేబినెట్ మంత్రిగా ప్రమాణ స్వీకారం చేశారు. నరేంద్రమోదీ తొలి విడత ప్రభుత్వంలో బండారు దత్తాత్రేయ స్వతంత్ర హోదాలో కేంద్ర కార్మికశాఖ మంత్రిగా పనిచేశారు. ఆ తర్వాత 2019 ఎన్నికల్లో ఎంపీగా విజయం సాధించిన కిషన్‌రెడ్డికి కేంద్ర హోంశాఖ సహాయమంత్రి పదవి దక్కింది.

అదే ఏడాది మే 30 నుంచి ఆ పదవిలో కొనసాగుతున్నారు. అవిభాజ్య ఏపీలో తెలంగాణ ప్రాంతం నుంచి సీహెచ్ విద్యాసాగర్‌రావు, బంగారు లక్ష్మణ్, బండారు దత్తాత్రేయ కేంద్రంలో సహాయమంత్రులుగా పనిచేశారు. తెలుగు రాష్ట్రాల బీజేపీ నుంచి చూస్తే మాత్రం వెంకయ్యనాయుడు తర్వాత కేంద్ర కేబినెట్‌లో చోటు దక్కించుకున్నది కిషన్ రెడ్డి మాత్రమే. మూడుసార్లు ఎమ్మెల్యేగా గెలిచిన కిషన్‌రెడ్డి 2019 ఎన్నికల్లో సికింద్రాబాద్ నుంచి ఎంపీగా విజయం సాధించారు.

విద్యార్థి దశ నుంచే రాజకీయాల్లో చురుగ్గా ఉన్న కిషన్ రెడ్డి 1960లో రంగారెడ్డి జిల్లా కందుకూరు మండలం తిమ్మపురంలో రైతు కుటుంబంలో జన్మించారు. ఎంపీగా గెలిచిన తొలిసారే కేంద్ర మంత్రి పదవి పొందిన కిషన్‌రెడ్డి తన పనితీరుతో మోదీని ఆకట్టుకున్నట్టు తెలుస్తోంది. తన శాఖపై పట్టు సాధిస్తూ మోదీ, అమిత్ షా వద్ద మెప్పు పొందారు.

 

 

Related posts

పాపం బాలకృష్ణ అమాయకుడు…పెర్నినాని

Drukpadam

6 Easy Tips For A Better and Healthier Skin

Drukpadam

ఇక ఆధార్, డ్రైవింగ్ లైసెన్స్, పాస్‌పోర్ట్, పాన్.. అన్నీ ఒకే డిజిటల్ ఐడీలో!

Drukpadam

Leave a Comment