Drukpadam || దృక్పధం | Daily Telugu News Update
క్రైమ్ వార్తలు

కెనడాలో భారతీయ విద్యార్థి దుర్మరణం!

కెనడాలో భారతీయ విద్యార్థి దుర్మరణం!

  • రోడ్డు దాటుతుండగా ఢీకొట్టిన ట్రక్కు
  • సైకిల్ తో పాటు విద్యార్థిని కూడా ఈడ్చుకు వెళ్లిన ట్రక్కు
  • గతేడాది కెనడా వెళ్లిన కార్తీక్ సైనీ
  • హర్యానాలోని కర్నాల్ లో విషాదం

కెనడాలో ఉన్నత విద్యాభ్యాసం కోసం వెళ్లిన ఓ భారతీయ విద్యార్థి రోడ్డు ప్రమాదంలో మృతి చెందాడు. మరణించిన విద్యార్థి పేరు కార్తీక్ సైనీ. 2021 ఆగస్టులో కెనడా వచ్చాడు. 20 ఏళ్ల సైనీ కెనడాలోని షెరిడియన్ కాలేజీలో చదువుతున్నాడు.

కాగా, టొరంటో నగరంలో సైకిల్ పై వెళుతుండగా, ఓ రోడ్డు దాటే యత్నంలో వేగంగా వస్తున్న ట్రక్కు ఢీకొట్టింది. ట్రక్కు సైకిల్ తో పాటు కార్తీక్ సైనీని కూడా ఈడ్చుకుపోయింది. దాంతో అక్కడికక్కడే మరణించినట్టు తెలుస్తోంది. గత బుధవారం సాయంత్రం ఈ ఘటన జరిగిందని స్థానిక పోలీసులు ఓ ప్రకటనలో వెల్లడించారు.

ఈ ఘటనతో హర్యానాలోని కర్నాల్ లో కార్తీక్ సైనీ కుటుంబంలో విషాదం నెలకొంది. దీనిపై కార్తీక్ సైనీ బంధువు ప్రవీణ్ సైనీ స్పందిస్తూ, వీలైనంత త్వరలో కార్తీక్ మృతదేహం కెనడా నుంచి భారత్ చేరుకుంటుందని భావిస్తున్నామని తెలిపారు. కాగా, ఈ ఘటనపై కేసు నమోదు చేసుకున్న టొరంటో పోలీసులు దర్యాప్తు ప్రారంభించారు.

Related posts

ఖమ్మం లాడ్జిలో ఎఆర్ కానిస్టేబుల్ అశోక్ కుమార్ ఆత్మహత్య!

Drukpadam

సంచలనం …వైసీపీ నేత పై జిల్లా బహిష్కరణ వేటు!

Drukpadam

రఘురామకృష్ణ‌రాజుకు నాలుగు నోటీసులు ఇచ్చిన ఏపీ సీఐడీ పోలీసులు!

Drukpadam

Leave a Comment