Drukpadam || దృక్పధం | Daily Telugu News Update
ఆంధ్రప్రదేశ్

సుప్రీంకోర్టులో ఈసీ ప్యానల్ న్యాయవాది రాజీనామా!

EC lawyer quits from supreme court panel
సుప్రీంకోర్టులో ఈసీ ప్యానల్ న్యాయవాది రాజీనామా!
  • ఈసీ విధానాలకు అనుగుణంగా తన విలువలు లేవన్న మోహిత్
  • ఈ కారణం వల్లే ప్యానల్ ను వీడుతున్నానని వెల్లడి
  • ఈసీకి పని చేయడం తన జీవితంలో మైలురాయని వ్యాఖ్య
సుప్రీంకోర్టులో కేంద్ర ఎన్నికల సంఘం ప్యానల్ లో విధులను నిర్వహిస్తున్న అడ్వకేట్    మోహిత్ డి రామ్ రాజీనామా చేశారు. ఈసీ ప్రస్తుతం అనుసరిస్తున్న విధానాలకు అనుగుణంగా తన విలువలు లేవని అనిపిస్తోందని ఈ సందర్భంగా ఆయన అన్నారు. ఈ కారణం వల్లే ప్యానల్ నుంచి తాను వైదొలగుతున్నానని చెప్పారు. ఎన్నికల కమిషన్ కు పని చేయడం తన జీవితంలో గొప్ప మైలురాయని అన్నారు.

కోర్టు వాదనలపై ప్రసారం చేయకుండా మీడియాను నియంత్రించాలంటూ సుప్రీంకోర్టులో ఈసీ పిటిషన్ వేసిన నేపథ్యంలో మోహిత్ ఈ నిర్ణయం తీసుకోవడం గమనార్హం. కరోనా సెకండ్ వేవ్ వ్యాప్తి చెందడానికి ఎన్నికల సంఘమే కారణమని… ఈసీ అధికారులపై హత్యాయత్నం కేసులు నమోదు చేస్తామని మద్రాస్ హైకోర్టు తీవ్ర వ్యాఖ్యలు చేసిన సంగతి తెలిసిందే. అయితే తన తీర్పులో ఈ వ్యాఖ్యలను హైకోర్టు పొందుపరచలేదు. కానీ హైకోర్టు చేసిన వ్యాఖ్యలు మీడియాలో ప్రముఖంగా ప్రచురితమయ్యాయి. తమ గౌరవానికి భంగం కలిగించేలా హైకోర్టు వ్యాఖ్యలు ఉన్నాయంటూ ఈసీ సుప్రీంకోర్టును ఆశ్రయించింది.

ఈ పిటిషన్ ను విచారించిన సుప్రీంకోర్టు ఎన్నికల సంఘంకు సుతిమెత్తగా మొట్టికాయలు వేసింది. రాజ్యాంగబద్ధమైన సంస్థలు మీడియాపై ఫిర్యాదు చేయడం కంటే… తమ విధులను సక్రమంగా నిర్వహించేందుకు యత్నించాలని హితవు పలికింది. ఆర్టికల్ 19 భావప్రకటనా స్వేచ్ఛను కేవలం ప్రజలకు మాత్రమే కల్పించలేదని… ఆ హక్కులు మీడియాకు కూడా వర్తిస్తాయని తెలిపింది. మీడియాపై ఆంక్షలు విధించి తాము తిరోగమనంలో పయనించలేమని చెప్పింది

Related posts

2.37 లక్షల బైకులను వెనక్కి పిలిపిస్తున్న రాయల్ ఎన్ ఫీల్డ్… కారణం ఇదే!

Drukpadam

జగన్ చూసుకుందాం రా!: పవన్ కల్యాణ్ సవాల్…

Drukpadam

కూరగాయల వ్యాపారి డబ్బు ఎలుకల పాలవడంపై స్పందించిన కేటీఆర్…

Drukpadam

Leave a Comment