ప్రతి ఏడాది జులై 14వ తేదీన ఫ్రాన్స్ జాతీయ దినోత్సవం నిర్వహిస్తారు. కాగా, ఈ ఏడాది ఫ్రాన్స్ జాతీయ దినోత్సవానికి గౌరవ అతిథిగా భారత ప్రధాని నరేంద్ర మోదీ హాజరుకానున్నారు. ఫ్రాన్స్ దేశాధ్యక్షుడు ఇమ్మాన్యుయేల్ మేక్రాన్ ఆహ్వానాన్ని మన్నించి మోదీ ఈ కార్యక్రమం కోసం ఫ్రాన్స్ వెళ్లనున్నారు.

ఫ్రాన్స్ నేషనల్ డే సందర్భంగా పారిస్ లోని చాంప్స్ ఎలిసిస్ లో బాస్టిల్ డే ఫ్లై పాస్ట్ కార్యక్రమం ఏర్పాటు చేశారు. ఈ కార్యక్రమంలో భారత్ కు చెందిన 3 రాఫెల్ యుద్ధ విమానాలు కూడా పాల్గొంటుండడం విశేషం.

రాఫెల్ యుద్ధ విమానాలను భారత్… ఫ్రాన్స్ నుంచే కొనుగోలు చేసింది. ఫ్రాన్స్ జాతీయ దినోత్సవం సందర్భంగా జరిగే సైనిక కవాతులో ఈ మూడు రాఫెల్ యుద్ధ విమానాలు ప్రత్యేక ఆకర్షణగా నిలవనున్నాయి.