బండి సంజయ్ కి అజయ్ కౌంటర్ అదిరింది

బండి సంజయ్ కి అజయ్ కౌంటర్ అదిరింది
బీజేపీ రాష్ట్ర అధ్యక్షడు బండి సంజయ్ కి రాష్ట్ర రవాణా శాఖా మంత్రి పువ్వాడ అజయ్ కుమార్ ఇచ్చిన కౌంటర్ అదిరిందనే అభిప్రాయాలూ వ్యక్తం అవుతున్నాయి . దుబ్బాక , గ్రేటర్ హైదరాబాద్ ఎన్నికల అనంతరం మంచి ఊపు మీద ఉన్న బీజేపీ రాష్ట్ర అధ్యక్షడు ఖమ్మం పర్యటనకు వచ్చారు . ఖమ్మం లో పెద్దగా బీజేపీ ప్రభావం లేదు . రానున్న ఖమ్మం కార్పొరేషన్ ఎన్నికలలో ఎలాగైనా కొన్ని సీట్లు గెలవటం ద్వారా టీ ఆర్ యస్ పట్టున్న ఖమ్మం లో కూడా ఖాతా తెరిచాం అనిపించుకోవాలని ఆరాటం తో ఉన్న సంజయ్ ,జల్లాకు చెందిన మంత్రి అజయ్ ని టార్గెట్ చేశారు . అందులో ఆయన రాజకీయాలపై , మెడికల్ కాలేజీ పైన , దాని స్థలాలపైనా విమర్శలు గుప్పించారు . రాజకీయాలకోసం అందరు చేసే విమర్శలే అనుకున్నా , మరో అడుగు ముందుకు వేసి అజయ్ అక్రమాలపై విచారణ జరిపించి జెల్లో పెట్టిస్తామని , దుబ్బాకలో , గ్రేటర్లో ఇచ్చిన విధంగానే ఇక్కడ అజయ్ కి వ్యాక్సిన్ ఇస్తానని , ఆయన భరతం పడతామని హెచ్చరికలు చేసారు . ఆయన పార్టీ విధానాలు ప్రజలకు చెప్పుకొని ఓట్లు అడిగి సీట్లు పొందటంలో ఎలాంటి తప్పు లేదు . కానీ వ్యక్తి గత విమర్శలే ఎజెండాగా ఆయన పర్యటనలు కొనసాగుతున్నాయి . మాటలను , కులాలను , ప్రాంతాలను రెచ్చగొట్టి లబ్ధిపొందాలని బీజేపీ పథకంగా ఉండనే అభిప్రాయాలూ ఉన్నాయి . రాష్ట్రంలో బీజేపీ రెచ్చగొట్టే చర్యల ద్వారా తమ ఉనికిని చాటాలని చూస్తున్నదని విమర్శలు వ్యక్తం అవుతున్నాయి . ఖమ్మం మున్సిపాల్టీలో బీజేపీ ఒక్కటికూడా సీటు పొందిన చరిత్ర లేదు . కానీ ఖమ్మం కార్పొరేషన్ పై జెండా ఎగరవేస్తామని చెబుతుంది . అంతో ఇంతో బలం ఉన్న ,కాంగ్రెస్, లేదా వామపక్షాలు కొంత పోటీ ఇచ్చే ఆవకాశం ఉంది . కానీ బీజేపీకి ఆసత్తా ఉందా అనేది పలువురి సందేహం . బండి సంజయ్ వ్యాఖ్యలపై మంత్రి అజయ్ కూడా గట్టిగానే కౌంటర్ ఇచ్చారు . బిడ్డ నాకు వ్యాక్సిన్ ఇస్తానని అంటున్నావు . కూకట్ పల్లి లో నేనే నీకు వ్యాక్సిన్ ఇచ్చా అక్కడ ఉన్న 8 డివిజన్లకు 7 డివిజన్లలో గెలిపించా . బండి సంజయ్ కి దమ్ముంటే కేంద్రంలో అధికారంలో ఉంది వారే కదా వెంటనే విచారణ జరిపించి తనను జైల్లో పెట్టించమని సవాల్ విసిరారు . పగటి వేషగాళ్ళు , టూరిస్టులు అప్పడప్పడు వచ్చి పోయేవాళ్ల అంటూ సంజయ్ పై ఎదురు దాడిచేశారు . గత కొంతకాలంగా సంజయ్ రాష్ట్ర ముఖ్యమంత్రి ని టార్గెట్ చేసి మాట్లాడటం , ఆయనపై వ్యక్తిగత విమర్శలు చేసి వార్తలలో నిలిచారు . దీనిపై టీ ఆర్ యస్ నేతలు కౌంటర్ ఇస్తున్నా అజయ్ అంత స్ట్రాంగ్ గా కౌంటర్ ఇచ్చిన మంత్రి గాని, నాయకులూ గాని లేరు . ఖమ్మం కార్పొరేషన్ లో ఇంకా ఎన్నికల షడ్యూల్ రాలేదు అప్పుడే మతాల యుద్ధం మొదలైంది . ముందుముందు ఏమిజరుగుతోందో చూద్దాం !!!