Drukpadam || దృక్పధం | Daily Telugu News Update
రాజకీయ వార్తలు

మార్పు లేదు యడియూరప్పే ముఖ్యమంత్రి.. పునరుద్ఘాటించిన కర్ణాటక బీజేపీ ఇన్‌ఛార్జి…

మార్పు లేదు యడియూరప్పే ముఖ్యమంత్రి.. పునరుద్ఘాటించిన కర్ణాటక బీజేపీ ఇన్‌ఛార్జి
కర్ణాటక బీజేపీలో విభేదాలపై వార్తలు
కొత్త సీఎం కావాలని కొందరు ఎమ్మెల్యేలు
దీని ఆధారంగా పార్టీలో ముసలం అని ఊహాగానాలు
సీఎంను మారుస్తున్నారంటూ వార్తలు
కొట్టిపారేసిన ఇన్‌ఛార్జి అరుణ్‌ సింగ్‌

కర్ణాటక ముఖ్యమంత్రిగా బి.ఎస్‌.యడియూరప్పే కొనసాగుతారని ఆ రాష్ట్ర బీజేపీ శాఖ ఇన్‌ఛార్జి అరుణ్‌ సింగ్‌ పునరుద్ఘాటించారు. దీంతో త్వరలో సీఎంను మార్చబోతున్నారన్న ఊహాగానాలకు తెరదించారు.

సీఎం మార్పు ఊహాగానాల మధ్య గురువారం బెంగళూరు చేరుకున్న అరుణ్‌ సింగ్‌ దాదాపు 60 మంది ఎమ్మెల్యేలతో భేటీ అయ్యారు. అందరూ యడియూరప్పకు అనుకూలంగానే ఉన్నారని రెవెన్యూ శాఖ మంత్రి ఆర్‌.అశోక తెలిపారు. ఒకరిద్దరు మాత్రమే నిరసనగళం వినిపిస్తున్నారన్నారు. పార్టీ నిర్ణయానికి వ్యతిరేకంగా మాట్లాడేవారిపై కఠిన చర్యలు తీసుకుంటామని అశోకతో పాటు అరుణ్‌ సింగ్‌ కూడా స్పష్టం చేశారు.

ఎమ్మెల్యేలు అరవింద్ బెల్లాడ్‌, బసనగౌడ పాటిల్‌ యత్నల్ ఇటీవల యడియూరప్పకు వ్యతిరేకంగా గళం వినిపించిన విషయం తెలిసిందే. ఆయన స్థానంలో మరొకరిని సీఎం చేయాలని వారు డిమాండ్‌ చేశారు. దీంతో బీజేపీ ఎమ్మెల్యేలు వర్గాలుగా చీలిపోయారని.. ఓ వర్గం యడియూరప్ప స్థానంలో మరొకరిని సీఎంగా నియమించాలని డిమాండ్‌ చేస్తోందని ఊహాగానాలు వినిపించాయి. ఆ మేరకు సీఎం కుర్చీలో కొత్తవారు కూర్చోబోతున్నారన్న అంశంపై గత కొంతకాలంగా బెంగళూరు వర్గాల్లో జోరుగా చర్చ జరుగుతోంది. ఈ తరుణంలో అరుణ్ సింగ్‌ కర్ణాటకకు చేరుకొని పరిస్థితిని సమీక్షించారు.

అంతకు ముందు రాష్ట్ర వ్యవహారాల ఇంచార్జిని కలిసిన ఎమ్మెల్యే హనుమంతు మీడియా తో మాట్లాడుతూ ముఖ్యమంత్రి మార్పు తథ్యం అని ప్రకటించారు. కానీ అధిష్టానం అసమ్మతి ఎమ్మెల్యేల మాటలను పట్టించుకున్నట్లు లేదు . కర్ణాకటకలో సీఎం యడియూరప్ప మార్పు అంటూ ఊదరగొట్టిన ఎమ్మెల్యే ల విషయంలో వార్నింగ్ ఇచ్చినట్లు సమాచారం .

బీజేపీ ముఖ్యమంత్రులపై ఫిర్యాదులు వచ్చినవెంటనే మార్చడం అనే సంసృతిని పక్కన పెట్టింది. ఒక్క ఉత్తరాఖండ్ లో మాత్రం అనివార్య పరిస్థితిలో మార్పు చేసింది.ఇక ఉత్తరప్రదేశ్ తో సహా మరికొన్ని రాష్ట్రాలలో సీఎంలను మార్చాలనే డిమాండ్ ను కర్ణాటకలోని చర్యలతో అడ్డుకట్ట వేసినట్లు అయింది.

Related posts

జ‌గ‌న్‌ను శాశ్వ‌తంగా రాజ‌కీయాల నుంచి సాగనంపాలి: చంద్రబాబు…

Drukpadam

కాంగ్రెస్ పార్టీలోకి ప్రశాంత్ కిషోర్? ముహూర్తమే మిగిలింది…

Drukpadam

ఆ నలుగురు కలెక్టర్లపై ఫిర్యాదుకు సిద్ధమైన బండి సంజయ్!

Drukpadam

Leave a Comment