2 రాజ్యసభ స్థానాలకు ఎలక్షన్స్ – రెండూ కాంగ్రెస్కే !
దేశవ్యాపితంగా 37 రాజ్యసభ స్థానాలకు ఎన్నికలు
కేఆర్ సురేష్ రెడ్డి , అభిషేక్ సింఘ్వి లు రిటైర్ …
దేశంలో ఖాళీ అయిన 37 రాజ్యసభస్థానాలకు మార్చి 16 ఎన్నికలు నిర్వహించేందుకు ఎన్నికల సంఘం షడ్యూల్ ను ఈ నెల 26 న విడుదల చేయనున్నది …మొత్తం 10 రాష్ట్రాల పరిధిలో జరగనున్న ఈ ఎన్నికల్లో తెలంగాణ నుంచి బీఆర్ యస్ కు చెందిన కేఆర్ సురేష్ రెడ్డి ,కాంగ్రెస్ కు చెందిన అభిషేక్ సింఘ్వి ల పదవి కాలం ముగియనున్నది ..అయితే తిరిగి అభిషేక్ మం సింఘ్విని కాంగ్రెస్ పార్టీ రాజ్యసభకు పంపే ఆకాశముంది ..ఇక తగిన సభ్యుల సంఖ్యా బలం లేనందున సురేష్ రెడ్డి వెళ్లడం కుదరక పోవచ్చు …కాంగ్రెస్ మరొకరిని రాష్ట్రము నుంచి ఛాన్స్ ఉంది …
తెలంగాణలో ఖాళీ అవుతున్న రెండు రాజ్యసభ స్థానాలకు కేంద్ర ఎన్నికల సంఘం షెడ్యూల్ విడుదల చేసింది. ఈ నెల 26న నోటిఫికేషన్ విడుదల కానుండగా, మార్చి 16న పోలింగ్ జరగనుంది. ప్రస్తుతం కాంగ్రెస్ తరపున ప్రాతినిధ్యం వహిస్తున్న అభిషేక్ మను సింఘ్వీతో పాటు, బిఆర్ఎస్ సభ్యుడు కె.ఆర్. సురేష్ రెడ్డి పదవీకాలం ముగియనుంది.
శాసనసభలో ప్రస్తుత పార్టీల బలాబలాలను పరిశీలిస్తే, అధికార కాంగ్రెస్ పార్టీ ఈ రెండు స్థానాలను సునాయాసంగా కైవసం చేసుకునేలా కనిపిస్తోంది. రాజ్యసభ ఎన్నికల గెలుపు లెక్కల ప్రకారం, రెండు స్థానాలు ఖాళీగా ఉన్నప్పుడు ఒక్కో అభ్యర్థి గెలవడానికి దాదాపు 40 నుండి 41 మొదటి ప్రాధాన్యత ఓట్లు అవసరం. అసెంబ్లీలో కాంగ్రెస్కు ఉన్న 64 మంది స్వంత ఎమ్మెల్యేలతో పాటు, ఇతర పార్టీల నుండి చేరిన వారితో కలిపి మొత్తం బలం 75 దాటడంతో, ఇద్దరు అభ్యర్థులను గెలిపించుకోవడానికి అవసరమైన 82 ఓట్లకు కాంగ్రెస్ అత్యంత సమీపంలో ఉంది. మజ్లిస్ కూడా మద్దతుగా ఉంటుంది.
ప్రధాన ప్రతిపక్షం బిఆర్ఎస్ పరిస్థితి ఈ ఎన్నికల్లో కొంత ఇబ్బందికరంగానే ఉంది. ఆ పార్టీకి ప్రస్తుతం ఉన్న 27 మంది ఎమ్మెల్యేల సంఖ్యాబలం ఒక సీటు గెలవడానికి కూడా సరిపోదు. ఎనిమిది మంది ఎమ్మెల్యేలు ఉన్న బీజేపీ ఓటింగ్ కు హాజరు కాకపోవచ్చు. పైగా, రెండో ప్రాధాన్యత ఓట్ల విషయంలోనూ అధికార పక్షానికే స్పష్టమైన ఆధిక్యం ఉండటంతో బీఆర్ఎస్ అభ్యర్థిని నిలబెట్టినా పోటీ ఇవ్వడం కష్టమే. కాంగ్రెస్ అధిష్టానం ఒక సీటును జాతీయ స్థాయి నేతకు, మరో సీటును సామాజిక సమీకరణాల దృష్ట్యా రాష్ట్ర స్థాయి నేతకు కేటాయించే అవకాశం ఉంది.
