• ఎర్రకోట పేలుళ్లకు ముందు టెర్రరిస్ట్ ఉమర్ వీడియో రికార్డింగ్
• ‘అమరవీరుల చర్య’గా ఆత్మాహుతి దాడి అభివర్ణన
• యువతను బ్రెయిన్‌వాష్ చేసేందుకే ఈ వీడియో చిత్రీకరణ
• డాక్టర్ నుంచి ఉగ్రవాదిగా మారిన ఫరీదాబాద్ మాడ్యూల్ సభ్యుడు
• ఇతడే అత్యంత తీవ్రవాద భావజాలం ఉన్న వ్యక్తిగా అధికారుల గుర్తింపు

నవంబర్ 10న ఎర్రకోట సమీపంలో భారీ పేలుడుకు పాల్పడటానికి ముందు, డాక్టర్‌ నుంచి టెర్రరిస్టుగా మారిన ఉమర్ ఉన్ నబీ ఒక వీడియోను రికార్డ్ చేశాడు. తాజాగా వెలుగులోకి వచ్చిన ఈ వీడియోలో, అతను ఆత్మాహుతి దాడి అనే భావనపై వింత వాదనలు వినిపించాడు. సమాజం తప్పుగా అర్థం చేసుకున్న ఆత్మాహుతి దాడి అనేది వాస్తవానికి ఇస్లాంలో “అమరవీరుల చర్య” (martyrdom operation) అని వ్యాఖ్యానించాడు.

“ఆత్మాహుతి దాడులకు వ్యతిరేకంగా అనేక వాదనలు ఉన్నాయి. కానీ, ఒక వ్యక్తి నిర్దిష్ట ప్రదేశంలో, నిర్దిష్ట సమయంలో కచ్చితంగా చనిపోతానని భావించి, మరణంపై ఉన్న సహజ అంచనాలకు వ్యతిరేకంగా వెళ్లడమే అమరవీరుల చర్య” అని ఉమర్ ఆ వీడియోలో వివరించాడు. అయితే, తన విషయంలో “ఆ పరిస్థితి లేదు” అని కూడా అతను చెప్పడం గందరగోళానికి గురిచేస్తోంది.

‘వైట్ కాలర్’ ఫరీదాబాద్ టెర్రర్ మాడ్యూల్‌లో ఉమర్ అత్యంత తీవ్రవాద భావజాలం కలిగిన సభ్యుడని దర్యాప్తు అధికారులు భావిస్తున్నారు. యువతను తప్పుదోవ పట్టించి, వారిని బ్రెయిన్‌వాష్ చేసే ఉద్దేశంతోనే ఈ వీడియోను రూపొందించినట్లు అధికారులు అనుమానిస్తున్నారు. ఈ వీడియో ఆధారంగా ఉగ్రకుట్రపై లోతుగా దర్యాప్తు జరుపుతున్నారు.

About The Author

Ram Narayana

See author's posts