దేశానికి వ్యతిరేకంగా నేనేం మాట్లాడలేదు: రాహుల్ గాంధీ

కాంగ్రెస్ అగ్రనేత ఎంపీ రాహుల్ గాంధీ ఇటీవల బ్రిటన్ పర్యటన చేశారు . ఆ సందర్భంగా కేంబ్రిడ్జి యూనివర్సిటీ లో విద్యార్థులను ఉద్దేశించి ప్రసంగించారు . బ్రిటిష్ పార్లమెంట్ సభ్యులను ఉద్దేశించి ప్రసంగించారు . ఈసందర్భంగా భారత్ లో జరుగుతున్న పరిణామాలు , ప్రభుత్వ తీరుతెన్నులపై ప్రసంగించారు. ఇక్కడ ప్రజాస్వామ్యం అణిచివేయబడుతుందని విమర్శలు చేశారు .దీనిపై పార్లమెంట్ లో బీజేపీపై రాహుల్ గాంధీ ఇండియా గురించి చేసిన కామెంట్లపై క్షమాపణలు చెప్పాలని రెండు రోజులుగా డిమాండ్ చేస్తుంది. కాంగ్రెస్ రాహుల్ గాంధీ మాటల్లో ఎలాంటి తప్పులేదని చెప్పినప్పటికీ ఆయనపై విమర్శల దాడి మొదలు పెట్టింది. రాహుల్ గురువారం పార్లమెంట్ కు వచ్చారు . బ్రిటన్ లో తన మాట్లాడినదానిపై వివరించేందుకు అవకాశం ఇవ్వాలని కోరారు . అందుకు ప్రభుత్వం అంగీకరించలేదు .

విదేశీ పర్యటన సందర్భంగా భారత ప్రజాస్వామ్యంపై కాంగ్రెస్ నేత రాహుల్ గాంధీ చేసిన వ్యాఖ్యలు దుమారం రేపుతున్న సంగతి తెలిసిందే. ఇదే విషయంపై పార్లమెంటు దద్దరిల్లుతోంది. రాహుల్ క్షమాపణలు చెప్పాల్సిందేనంటూ అధికార బీజేపీ డిమాండ్ చేస్తోంది. క్షమాపణలు చెప్పే ప్రసక్తే లేదని కాంగ్రెస్ స్పష్టం చేస్తోంది. అదానీ అంశాన్ని దాటవేసేందుకే ప్రభుత్వం రాద్ధాంతం చేస్తోందని ఆరోపిస్తోంది.