సాయంత్రం 4.30 గంటలకు సరూర్ నగర్ సభలో ప్రియాంక ప్రసంగిస్తారు. సాయంత్రం 5 గంటలకు ప్రియాంక గాంధీ సభ నుంచి తిరుగు పయనమవుతారు. ప్రియాంక పర్యటనపై సీఎల్పీ నేత మల్లు భట్టి విక్రమార్క స్పందించారు. రేపటి నిరుద్యోగుల బహిరంగ సభలో ప్రియాంక గాంధీ యూత్ డిక్లరేషన్ ప్రకటిస్తారని వెల్లడించారు.

సోమవారం హైద్రాబాద్ లోని సరూర్ నగర్ లో కాంగ్రెస్ పార్టీ ఆధ్వరంలో ఏర్పాటు చేసిన నిరుద్యోగ నిరసన ర్యాలీకి ఏఐసీసీ ప్రధాన కార్యదర్శి ప్రియాంక గాంధీ హాజరు కానున్నారు . ఇందుకోసం పీసీసీ విస్తృత ఏర్పాట్లు చేస్తుంది. జనసమీకరణ కోసం టీపీసీసీ అధ్యక్షుడు రేవంత్ రెడ్డి వివిధ నాయకులతో సమన్వయం చేస్తున్నారు. సీఎల్పీ నేత భట్టి విక్రమార్క పీపుల్స్ మార్చ్ పాదయాత్రలో భాగంగా సోమవారం సరూర్ నగర్ చేరుకుంటారు . నిరుద్యోగ నిరసన సభలో పాల్గొంటారు . ఈ సభలో ప్రియాంక యూత్ డిక్లరేషన్ ప్రకటిస్తారని భట్టి తెలిపారు . ఈ సభలో రాష్ట్ర కాంగ్రెస్ అగ్రనేతలు అంతా పాల్గొనే అవకాశం ఉంది. హైద్రాబాద్ , రంగారెడ్డి ఉమ్మడి మహబూబ్ నగర్ , ఉమ్మడి నల్గొండ జిల్లాలనుంచి జనసమీకరణ చేయనున్నారు . ప్రియాంక మొదటిసారిగా రాష్ట్రంలో జరిగే బహిరంగసభలో పాల్గొంటున్నారు. అందువల్ల నాయకులు కూడా ఈసభను ప్రతిష్టాత్మకంగా తీసుకున్నారు . ప్రియాంక సభపై కాంగ్రెస్ పెద్ద ఆశలు పెట్టుకున్నది . కాంగ్రెస్ కార్యకర్తలకు ఈసభ జోష్ నింపనున్నదని భావిస్తున్నారు .