Drukpadam || దృక్పధం | Daily Telugu News Update
క్రైమ్ వార్తలు

కారును ఆపి..,డాక్ట‌ర్ దంప‌తుల్ని కాల్చి చంపేశారు…

కారును ఆపి..,డాక్ట‌ర్ దంప‌తుల్ని కాల్చి చంపేశారు….

రాజ‌స్థాన్‌లో దారుణం జ‌రిగింది. కారులో వెళ్తున్న డాక్ట‌ర్ దంప‌తుల‌పై ఇద్ద‌రు కాల్పులు జ‌రిపారు. ఆ ఘ‌ట‌న‌లో డాక్ట‌ర్‌తో పాటు ఆయ‌న భార్య మ‌ర‌ణించారు. ఈ ఘ‌ట‌న భ‌ర‌త్‌పూర్‌లో జ‌రిగింది. న‌గ‌రంలోని బిజీ క్రాసింగ్ వ‌ద్ద ఈ కాల్పుల ఘ‌ట‌న జ‌ర‌గ‌డం శోచ‌నీయం. సాయంత్రం 4.45 నిమిషాల‌కు సంఘ‌ట‌న చోటుచేసుకున్న‌ట్లు పోలీసులు తెలిపారు. క్రాసింగ్ వ‌ద్ద బైక్‌పై వ‌చ్చిన ఇద్ద‌రు వ్య‌క్తులు.. కారుకు అడ్డంగా నిలిచారు. అయితే డ్రైవ‌ర్ సీటులో ఉన్న డాక్ట‌ర్‌.. కారు విండో తీస్తుండ‌గానే.. బైక్‌పై వ‌చ్చిన ఓ వ్య‌క్తి త‌న చేతిలో ఉన్న పిస్తోల్‌తో కాల్పులు జ‌రిపాడు. ప‌లు రౌండ్లు కాల్పులు జ‌రిపి.. బైక్‌పై ప‌రారీ అయ్యారు. ప్ర‌తీకారంతోనే ఆ డాక్ట‌ర్ దంపతుల‌ను హ‌త్య చేసి ఉంటార‌ని పోలీసులు అనుమానిస్తున్నారు. ఓ యువ‌తి హ‌త్య కేసులో డాక్ట‌ర్ దంప‌తులు ఆరోప‌ణ‌లు ఎదుర్కొంటున్నారు. డాక్ట‌ర్‌తో రిలేష‌న్‌పిప్‌లో ఉన్న ఆ యువ‌తిని హ‌త్య చేశారు. డాక్ట‌ర్‌పై కాల్పులు జ‌రిపిన వ్య‌క్తి ఆ యువ‌తి సోద‌రుడిలా ఉన్న‌ట్లు పోలీసులు తెలిపారు. రెండేళ్ల క్రితం ఆ యువ‌తి హ‌త్య‌కు గురైంది. ఈ కేసులో డాక్ట‌ర్ భార్య‌తో పాటు ఆమె త‌ల్లి కూడా ఆరోప‌ణ‌లు ఎదుర్కొంటున్నారు.

Related posts

డాక్టర్ శ్యామ్ కుమార్ నిర్దోషి జైలుకు తరలించడంలో కుట్ర : తెలంగాణ డాక్టర్స్ ఫోరం కన్వీనర్…

Drukpadam

ఆగ్రాలో అరాచకం.. పట్టపగలే యువతిపై ఐదుగురు యువకుల సామూహిక అత్యాచారం!

Ram Narayana

పంజాబ్‌లో కాంగ్రెస్ నేత కాల్చివేత.. తామే చంపేశామన్న ఖలిస్థానీ ఉగ్రవాద సంస్థ

Ram Narayana

Leave a Comment