రాదనుకున్న ఆస్తి వందేళ్ల తర్వాత ఇప్పుడు చేతికొచ్చింది.. దాని విలువిప్పుడు రూ.556 కోట్లు!
-1912లో రిసార్ట్ నిర్మించిన విల్లా, బ్రూస్
-జాతి వివక్షతో 1924లో తెల్లజాతీయుల ఆక్రమణ
-పార్క్ కడతామంటూ లాక్కున్న వైనం
-బ్రూస్ వారసులకు తిరిగిచ్చేసిన కాలిఫోర్నియా గవర్నర్
వారి తాత ముత్తాతల నాటి ఆస్తి తమకు ఇక రాదనుకున్నారు. దానిపై ఆశలు వదులుకున్న ఆ కుటుంబానికి 100 సంవత్సరాల తరువాత తీపి కబురు వచ్చింది . 1924 లో బలవంతంగా లాక్కున్న బ్రుస్ ఆస్తిని వారి వారసులైన మనవాళ్లకు కాలిఫోర్నియా గవర్నర్ తిరిగి ఇచ్చివేసి ఆ కుటుంబాన్ని క్షమాపణలు కూడా కోరాడు .ఇప్పుడు ఆ ఆస్తి విలువ 556 కోట్లు. తమపూర్వికులు సంపాందించిన అంత ఆస్తి తిరిగి వస్తుందని ఊహించని ఆ కుటుంబీకులు ఆశ్చర్యానికి లోనైయ్యారు .
1912లో విల్లా, చార్లెస్ ఆ ప్రాంతంలో నల్లజాతీయుల కోసం ఓ రిసార్ట్ ను నిర్మించారు. బాత్ హౌస్, కేఫె, డాన్స్ హాల్ వంటి వాటినన్నింటినీ కట్టారు. అయితే, ఆ రిసార్ట్ పై అసూయతో శ్వేత జాతీయులు జాతివివక్ష చూపడం ప్రారంభించారు. 1920లో కూ క్లూ క్లాన్ దాడి చేసింది. 1924లో తెల్ల జాతీయుల బలవంతం మీద.. పార్కును కడుతున్నామంటూ 1924లో ఆ భూమిని ఆక్రమించుకున్నారు. 1929లో పూర్తిగా వారిని అక్కడి నుంచి వెళ్లగొట్టేశారు.
అయితే, కడతామన్న పార్కునూ అక్కడ కట్టలేదు. కొన్ని దశాబ్దాల పాటు అది ఖాళీగానే పడి ఉంది. 1948లో రాష్ట్రానికి, 1995లో కౌంటీకి ఆ ఆస్తి హక్కును బదిలీ చేశారు. అప్పటి నుంచి అది వారి అధీనంలోనే ఉంది. అప్పట్లో కేవలం 1,225 డాలర్లున్న ఆ స్థలం విలువ ఇప్పుడు.. 7.5 కోట్ల డాలర్లకు పెరిగింది. అంటే సుమారు రూ.556 కోట్లు. ఇప్పుడు ఆ ఆస్తిని చార్లెస్ బ్రూస్ మనవడైన ఆంటోనీ బ్రూస్ కు ఇచ్చేసిన గవర్నర్ గవిన్ న్యూసమ్.. క్షమాపణలు కూడా కోరారు. విల్లా, చార్లెస్ బ్రూస్ నుంచి నాడు ఆ భూమిని అక్రమంగా లాక్కున్నారని, తిరిగిచ్చేయాల్సిందేనని గవిన్ చెప్పారు.
