న‌ల్గొండ ప‌ట్ట‌ణంలో అభివృద్ధి ప‌నుల తీరుపై తెలంగాణ సీఎం కేసీఆర్ అసంతృప్తి వ్య‌క్తం చేశారు. అభివృద్ధి ప‌నుల కోసం నిధులు విడుద‌ల చేసినా… అభివృద్ధి ప‌నుల్లో జాప్యం ఎందుకు జ‌రుగుతోంద‌ని ఆయ‌న అధికారుల‌పై ఆగ్ర‌హం వ్య‌క్తం చేశారు. త‌క్ష‌ణ‌మే ప‌ట్ట‌ణంలో అభివృద్ధి ప‌నుల‌ను చేప‌ట్టాల‌ని ఆయ‌న అధికారుల‌కు ఆదేశాలు జారీ చేశారు.

గురువారం న‌కిరేక‌ల్ ఎమ్మెల్యే చిరుమ‌ర్తి లింగ‌య్య తండ్రి ద‌శ దిన క‌ర్మ‌ల‌కు హాజ‌ర‌య్యేందుకు నార్క‌ట్ ప‌ల్లి వెళ్లిన కేసీఆర్ ఆ త‌ర్వాత అక్క‌డే న‌ల్గొండ‌లో అభివృద్ధి ప‌నుల‌పై అధికారుల‌తో స‌మీక్షించారు. ఈ సంద‌ర్భంగా న‌ల్గొండ అభివృద్ధి ప‌నుల కోసం ఇప్ప‌టికే నిధులు విడుద‌ల చేసిన అంశాన్ని కేసీఆర్ ప్ర‌స్తావించారు. నిధులు విడుద‌ల చేసిన త‌ర్వాత కూడా ప‌నుల్లో జాప్యం ఎందుకంటూ ఆయ‌న అధికారుల‌పై ఆగ్ర‌హం వ్య‌క్తం చేశారు. ఇక‌నైనా ప‌నుల‌ను వేగంగా పూర్తి చేయాల‌ని ఆయ‌న అధికారుల‌ను ఆదేశించారు.