మంత్రి కొండా సురేఖ ఆలా అనకుండా ఉండాల్సింది
సీనియర్ మంత్రిగా ఆమె మాటలు ఎదుటివారిని బాధించేవిగా ఉన్నాయి
నాగార్జున అంత నేలబారు మనిషి కాదు …
కేటీఆర్ పై వ్యాఖ్యలు ఆమె ఇష్టం … మరో స్త్రీని అందులోకి లాగడం బాధాకరం
సీనియర్ మంత్రి కొండా సురేఖ సినీ హీరో నాగార్జున , ఆయన కొడుకు నాగ చైతన్య , మాజీమంత్రి బీఆర్ యస్ వర్కింగ్ ప్రెసిడెంట్ కేటీఆర్ పై చేసిన వ్యాఖ్యలు దుమారం రేపుతున్నాయి…మంత్రిని అభిమానించే వాళ్ళ నుంచి సైతం ఆమె ఆలా అనకుండా ఉంటె బాగుండేదని అభిప్రాయాలూ వ్యక్తం అవుతున్నాయి…ఆమెకు రాజకీయాలు కొత్త కాదు సీనియర్ మంత్రిగా రెండు తెలుగు రాష్ట్రాల్లో ఆమె అంటే గౌరవం ఉంది ..ఒక రకంగా చెప్పాలంటే తల పండకపోయిన సీనియర్ రాజకీయ నాయకురాలు …ఆమె మాట్లాడేటప్పుడు ఆచితూచి మాట్లాడాల్సి ఉంది …కానీ ఆలా జరగలేదు …అందువల్ల ఖశ్చితంగా ఆమె మాటలు భాదించి ఉంటాయి…ఆమె ఎవరిని అన్నారో వాళ్ళు కూడా సమాజంలో గౌరవప్రదమైన వ్యక్తులే …ప్రత్యేకించి అక్కినేని కుటుంబం చాల మర్యాదగల కుటుంబం …అంతకు ముందు అక్కినేని నాగేశ్వరరావు గాని ఇప్పుడు నాగార్జున ,లేదా నాగ చైతన్యలు గండరగోండులు కాదు …సాత్వికులు అనే పేరు ఉంది …నాగార్జున నేలబారు మనిషి కాదు ..విలువలు ఉన్నవాడే ..మరి అంత చావకబారుగా వ్యవహరించేవారు కాదు … అప్పట్లో తన ఆస్తులు కుల గొట్టకుండా ఉండేందుకు తన కోడలిగా ఉన్న సమంతను కేటీఆర్ దగ్గరకు పొమ్మన్నారని అందుకు ఆమె నిరాకరించినందునే ఆమెను ఇంటినుంచి నాగార్జున గెంటి వేశారని మంత్రి సురేఖ అనడంపై విమర్శలు వెల్లు ఎత్తుతున్నాయి …తన ఆస్తులు కాపాడుకునేందుకు నాగార్జున , నాగ చైతన్యలు సమంతను వాడుకునే ప్రయత్నం చేశారని ఆమె మాటల సారాంశం …ఆమె కేటీఆర్ మీద ఉన్న కోపంతో అక్కినేని ఫ్యామిలీ మీద కామెంట్ చేసి ఉండవచ్చు కానీ ఉద్దేశపూర్వకంగా చేయకపోయినా అభ్యంతరకరమే . ఇటీవల కేటీఆర్ ,హరీష్ రావు ల ప్రోద్బలంతో తనపై సోషల్ మీడియా లో పెట్టిన పోస్టులకు ఆగ్రహంతో ఉన్న ఆమె కేటీఆర్ పై మాటల దాడికి సిద్ధపడిన నేపథ్యంలో తొందరపడి ఉండవచ్చుననే అభిప్రాయాలూ ఉన్నాయి…అక్కినేని నాగార్జున కూడా దీనిపై స్పందించారు …ఆమె మాటలు అసందర్భంగా ,అసంబద్ధంగా ఉన్నాయని వాటిని వెంటనే వెనక్కు తీసుకోవాలని అన్నారు …మీ రాజకీయాల్లోకి మమ్ములను లాగడం ఎందుకని ప్రశ్నించారు …బాధ్యతగల మంత్రి పదవిలో ఉన్న సురేఖ ఆలా మాట్లాడి ఉండకూడదని అన్నారు …సినీ నటుడు ప్రకాష్ రాజ్ , నటి హేమ లాంటి వారు స్పందించారు …మంత్రి సీతక్క మాత్రం మాటల సందర్భంలో వచ్చిన మాటలు తప్ప కావాలని సినిమా వాళ్ళను అన్నవి కావని వివరణ ఇచ్చే ప్రయత్నం చేశారు …
ఆమె మాటలు వెనక్కు తీసుకోని హుందాగా వ్యవరిస్తారో లేక వివరణ ఇచ్చే ప్రయత్నం చేస్తారో చూడాలి …!
