––
అటవీ ప్రాంతంలోని ఓ బావిలో నాలుగు ఏనుగులు పడిపోయాయి.. స్థానికులు గమనించి అటవీ అధికారులకు సమాచారం ఇవ్వగా.. వాటిని బయటకు తీసేందుకు అధికారులు ప్రయత్నాలు చేస్తున్నారు. ఛత్తీస్ గఢ్ లోని హార్దీ గ్రామంలో ఈ ఘటన చోటుచేసుకుంది. బావిలోని నీళ్లలో ఏనుగులు సాయం కోసం ఎదురుచూస్తున్న వీడియో ప్రస్తుతం సోషల్ మీడియాలో వైరల్ గా మారింది.
ఛత్తీస్గఢ్లోని బర్నవాపారా వన్యప్రాణుల సంరక్షణ కేంద్రం సమీపంలోని హార్దీ గ్రామంలో ఉన్న ఓ ఓపెన్ బావిలో ప్రమాదవశాత్తూ ఏనుగులు పడిపోయాయి. బావిలోని ఏనుగులను గమనించిన స్థానికులు అటవీశాఖ అధికారులకు సమాచారం ఇచ్చారు. వెంటనే అక్కడికి చేరుకున్న అటవీ శాఖ సిబ్బంది.. ఏనుగులను బయటకు తీసేందుకు ప్రయత్నిస్తున్నారు. ఈ ఘటనతో అప్రమత్తమైన అధికారులు.. అటవీ ప్రాంతాల్లో ఓపెన్ బావులను పూడ్చేసేందుకు చర్యలు తీసుకుంటామని చెప్పారు.
