రాజ‌స్థాన్‌లోని ఉద‌య్ పూర్ వేదిక‌గా కాంగ్రెస్ పార్టీ మూడు రోజుల పాటు నిర్వ‌హిస్తున్న న‌వ సంక‌ల్ప్ చింత‌న్ శిబిర్‌లో ఆ పార్టీ నేత‌లు ఉల్లాసంగా, ఉత్సాహంగా క‌నిపిస్తున్నారు. శుక్ర‌వారం స‌ద‌స్సు ప్రారంభం కాగానే… పార్టీ అధినేత్రి హోదాలో సోనియా గాంధీ ప్రారంభోప‌న్యాసం చేయ‌గానే… నేత‌లంతా గ్రూప్ డిస్క‌ష‌న్స్‌లోకి వెళ్లిపోయారు. రెండో రోజైన శ‌నివారం కూడా నాన్ స్టాప్‌గా గ్రూప్ డిస్క‌ష‌న్లు జ‌రుగుతున్నాయి.
ఈ సంద‌ర్భంగా అన్ని రాష్ట్రాల‌కు చెందిన నేత‌లంతా ఒకే చోట క‌ల‌వ‌డంతో ఆయా నేత‌లు త‌మ మిత్రుల‌తో క‌లుస్తున్నారు. ఈ సంద‌ర్భంగా ప‌లు ఫొటోలు జ‌నాల‌ను క‌ట్టి ప‌డేస్తున్నాయి. తెలంగాణ‌కు చెందిన కాంగ్రెస్ ఎమ్మెల్యే సీత‌క్క… పార్టీ అగ్ర నేత ప్రియాంకా గాంధీతో క‌లిసి దిగిన ఫొటో అంద‌రినీ ఆక‌ట్టుకుంటోంది. ఇలాంటి క‌ట్టిప‌డేసే ఫొటోలు చింత‌న్ శిబిర్‌లో చాలానే క‌నిపించాయి.