ఫైర్ బ్రాండ్ గా పేరున్న తెలంగాణ కాంగ్రెస్ నాయకురాలు మాజీ కేంద్ర మంత్రి రేణుకాచౌదరి అమరావతి ఉద్యమానికి , అమరావతి రాజధానికి మద్దతు ఇచ్చేందుకు స్వయంగా వచ్చి పాల్గొనడం చర్చనీయాంశంగా మారింది. ఆమె తెలంగాణాలో రాజకీయాలు చేస్తూ ఆంధ్రాలో ఎందుకు పాల్గొంటున్నారు ? దీనికి గల కారణాలు ఏమిటి ? దీని వెనక ఉన్న రహస్యం ఏమిటనేది. ఆసక్తిగా మారింది. మొదటి నుంచి వైయస్ కుటుంబానికి రేణుక చౌదరి దూరంగానే ఉంటున్నారు . ఏపీ లో జగన్ పాలన రావడం కాంగ్రెస్ పార్టీకి ఇష్టం లేదు . అంతేకాకుండా ఉమ్మడి ఆంధ్రప్రదేశ్ లో జగన్ సీఎం కాకుండా చేయడంలోనూ , ఆయన చేపట్టిన ఓదార్పు యాత్ర ను తీవ్రంగా వ్యతిరేకించిన వారిలో రేణుక చౌదరి ఉన్నట్లు ప్రచారం జరిగింది. అయితే ఆమె వాటిపై ఎప్పుడు స్పందించలేదు . పైగా ఖమ్మం నుంచి తిరిగి రానున్న లోకసభ ఎన్నికల్లో ఖమ్మం నుంచి పోటీ చేయాలనీ అనుకుంటున్నారు . అప్పుడు ఏపీ కి బోర్డర్ గా ఉన్న ఖమ్మం జిల్లా పై ఏపీ ప్రభావం ఉంటుంది. అందువల్ల ఇక్కడ ప్రజల మనసులను దోచుకోవడంతో పాటు తెలుగు దేశం అభిమానం పొందటం ద్వారా తన రాజకీయ ప్రయాణాన్ని సాఫీగా సాగించవచ్చుననేది ఆమె ఆలోచనగా ఉండవచ్చునని రాజకీయ విశ్లేషకుల అభిప్రాయం …