ఈనెల 18 న ఖమ్మం లో 5 లక్షల మందితో బీఆర్ యస్ భారీ భారీ బహిరంగ సభ …హాజరు కానున్న ముగ్గురు సీఎంలు..
-బీఆర్ యస్ నేతలు …వివిధపార్టీల నాయకులు
-సభ ఏర్పాట్లపై సోమవారం ప్రగతి భవనం లో సీఎం కేసీఆర్ ఖమ్మం జిల్లా నేతలతో సమావేశం …
-జిల్లాలో రాజకీయ మార్పులు జరుగుతున్నాయని జరుగుతున్న నేపథ్యంలో ఖమ్మం సభకు ప్రాధాన్యత
ఈనెల 18 న ఖమ్మంలో జిల్లా కలెక్టరేట్ సముదాయం ప్రారంభం సందర్భంగా బీఆర్ యస్ ఆధ్వరంలో భారీ బహిరంగ సభ నిర్వహించనున్నారు . బీఆర్ యస్ ఏర్పాటు అయిన తర్వాత మొదటిసారిగా జరుగుతున్న సభ అయినందున 5 లక్షలు తగ్గకుండా ప్రజలను సమీకరించాలని నిర్ణయించారు . ఈ మేరకు సోమవారం ప్రగతి భవనంలో సీఎం కేసీఆర్ ఖమ్మం జిల్లా నేతలతో సుదీర్ఘంగా చర్చించారు . దేశంలో రాజకీయ పరిణామాలు బీఆర్ యస్ కు వస్తున్న ఆధారణపై సీఎం నేతలకు వివరించారు . ఖమ్మం సభకు ముగ్గురు సీఎంలు ఆహ్వానించనున్నట్లు తెలిపారు . ఢిల్లీ సీఎం కేజ్రీవాల్ , పంజాబ్ సీఎం మాన్, కేరళ సీఎం పినారాయ్ విజయన్ వారిలో ఉన్నారు . వారే కాకా వివిధ రాజకీయ పార్టీలకు చెందిన నేతలను ఆహ్వానిస్తున్నట్లు తెలిపారు .
బహిరంగ సభను ఖమ్మంలో నిర్వహించాలని నిర్ణయించినందుకు ఖమ్మం జిల్లా మంత్రి, ఎంపీలు, ఎమ్మెల్యేలు, ఎమ్మెల్సీలు తదితర కీలక నేతలు సోమవారం నాడు ప్రగతి భవన్ లో అధినేత సిఎం కెసిఆర్ ను కలిసి తమ కృతజ్జతలు తెలిపారు. ఈ సందర్భంగా అధినేతతో సమావేశమైన ఖమ్మం జిల్లా నేతలు బహిరంగ సభను కనీవిని ఎరుగని రీతిలో విజయవంతం చేసేందుకు సంబంధించి చర్చించారు. తెలంగాణలో జరగనున్న మొట్టమొదటి బిఆర్ఎస్ సభను విజయవంతం చేసేందుకు అధినేత సిఎం కెసిఆర్ ఈ సందర్భంగా ఖమ్మం జిల్లా నేతలకు పలు సూచనలు చేశారు.
ఈ సమావేశంలో.. మంత్రి పువ్వాడ అజయ్ కుమార్, ఎంపీ నామా నాగేశ్వర్ రావు, వద్దిరాజు రవిచంద్ర, ఎమ్మెల్సీలు తాతా మధు, ఎమ్మెల్యేలు హరిప్రియ నాయక్, రేగా కాంతారావు, కందాళ ఉపేందర్ రెడ్డి, సండ్ర వెంకట వీరయ్య, తదితర నేతలున్నారు.
