బీజేపీలో చేరనున్న మాజీ సీఎం కిరణ్ కుమార్ రెడ్డి?

ఉమ్మడి ఆంధ్రప్రదేశ్ చివరి ముఖ్యమంత్రి కాంగ్రెస్ నేత నల్లారి కిరణ్ కుమార్ రెడ్డి,  సినీ నటుడు మోహన్ బాబు  బీజేపీలో చేరబోతున్నారనే వార్తలు నేడు సంచలనంగా మారాయి. కాంగ్రెస్ పార్టీలో అనేక కీలక పదవులు అనుభవించిన కిరణ్ కుమార్ రెడ్డి రాష్ట్ర విభజనను పూర్తిగా వ్యతిరేకించారు . అయినప్పటికి కాంగ్రెస్ పార్టీ రాష్ట్ర విభజన చేసి తెలంగాణ ను ప్రత్యేక రాష్ట్రంగా ప్రకటిస్తూ పార్లమెంట్ లో బిల్లు తెచ్చారు . దీంతో ఆయన కాంగ్రెస్ కు గుడ్ బై చెప్పి జై సమైఖ్యఆంధ్ర పార్టీ పెట్టి 2014 ఎన్నికల్లో పోటీచేశారు . అయితే ఆయన పార్టీ ఒక్క సీటు కూడా గెలవలేదు …దీంతో ఆయన అప్పటినుంచి రాజకీయాలకు దూరంగా ఉన్నారు . అయితే సంవత్సర కాలం క్రితం తిరిగి కాంగ్రెస్ అగ్రనేతలు ఆయన్ను ఢిల్లీకి పిలిచి మాట్లాడారు .ఆయన ఏపీ రాజకీయాల్లో కాంగ్రెస్ పార్టీలో కీలకంగా వ్యవహరించబోతున్నారని పెద్ద ఎత్తున ప్రచారం జరిగింది.అయినప్పటికీ ఆయన ఎలాంటి నిర్ణయం తీసుకోలేదు …అయితే బీజేపీ లో చేరుతున్నారనే వార్తల నేపథ్యంలో ఆయన వల్ల బీజేపీకి ఉపయోగం జరుగుతుందా …? అనే ఆసక్తి ఏపీ రాజకీయాల్లో నెలకొన్నది . అయితే ఇందులో ఎంతవరకు వాస్తవాలు ఉన్నాయనేది కూడా తెలియాల్సిఉంది .

కిరణ్ కుమార్ రెడ్డి కీలక నిర్ణయం తీసుకున్నట్టు జోరుగా ప్రచారం జరుగుతుంది . ఆయన బీజేపీలో చేరడానికి సిద్ధమైనట్టు చెపుతున్నారు. ఇప్పటికే ఆయనతో బీజేపీ అగ్రనేతలు చర్చలు జరిపినట్టు సమాచారం. రెండు, మూడు రోజుల్లో బీజేపీ అగ్ర నాయకుల సమక్షంలో ఆయన బీజేపీలో చేరనున్నట్టు తెలుస్తోంది. ఏపీ బీజేపీలో ఆయన కీలక పాత్ర పోషించనున్నారని సమాచారం. అంతేకాదు, జాతీయ స్థాయిలో ఆయనకు కీలక బాధ్యతలను కూడా అప్పగించనున్నారని చెపుతున్నారు.

తన రాజకీయ జీవితాన్ని ఆయన కాంగ్రెస్ పార్టీతోనే ప్రారంభించి, ఇప్పటివరకు ఆ పార్టీలోనే కొనసాగారు. ముఖ్యమంత్రి పదవితో పాటు పలు బాధ్యతలను నిర్వహించారు. ఆంధ్రప్రదేశ్ విభజనను ముఖ్యమంత్రిగా ఆయన తీవ్రంగా వ్యతిరేకించారు. తెలంగాణను కాంగ్రెస్ పార్టీ ఏర్పాటు చేయడంతో… ఆయన ఆ పార్టీకి గుడ్ బై చెప్పారు. సొంతంగా జై సమైక్యాంధ్ర పార్టీని ఏర్పాటు చేశారు. అయితే, రాష్ట్ర విభజన తర్వాత 2014లో జరిగిన ఎన్నికల్లో ఆయన పార్టీ ఒక్క సీటును కూడా గెలుచుకోలేదు. ఆ తర్వాత ఆయన క్రియాశీల రాజకీయాలకు దూరంగా ఉంటూ వస్తున్నారు. ఇప్పడు ఆయన మరోసారి యాక్టివ్ అయ్యేందుకు రెడీ అవుతున్నారు.

మోహన్ బాబుతో భేటీ అయిన సోము వీర్రాజు