Drukpadam || దృక్పధం | Daily Telugu News Update
క్రైమ్ వార్తలు

చిన్నారిపై నుంచి వెళ్లిన స్కూల్ బస్.. హైదరాబాద్ లో ఘోరం

  • పాపను స్కూలుకు తీసుకెళుతున్న తండ్రి
  • బాచుపల్లిలో రోడ్ పై గుంతలు.. ఎగిరి కిందపడ్డ బాలిక
  • స్కూల్ బస్ పై నుంచి వెళ్లడంతో అక్కడికక్కడే మృతి

హైదరాబాద్ లో బుధవారం ఉదయం రోడ్డు ప్రమాదం చోటుచేసుకుంది. ఇటీవలి వర్షాలకు రోడ్డుపై ఏర్పడిన గుంతలు ఓ చిన్నారి ప్రాణాన్ని బలి తీసుకున్నాయి. తండ్రితో కలిసి బైక్ పై స్కూలుకు వెళుతున్న రెండో తరగతి చిన్నారి ఈ ప్రమాదంలో మృత్యువాత పడింది.

ఈ దారుణం నగరంలోని బాచుపల్లిలో జరిగింది. రోజులాగే ఆ పాప తండ్రి బైక్ పై కూతురును స్కూలుకు తీసుకెళుతున్నాడు. ఇటీవలి వర్షాలకు రోడ్డంతా గుంతలమయం కావడంతో జాగ్రత్తగా వెళుతున్నాడు. రెడ్డీస్ ల్యాబ్ సమీపంలో బైక్ ఓ గుంతలో నుంచి వెళ్లడంతో పాప ఎగిరి కిందపడింది. బైక్ వెనకాలే వస్తున్న స్కూల్ బస్సు ఒకటి పాప పై నుంచి వెళ్లింది. దీంతో తీవ్ర గాయాలపాలైన చిన్నారి అక్కడికక్కడే చనిపోయింది. ఈ ప్రమాదానికి సంబంధించి మరిన్ని వివరాలు తెలియాల్సి ఉంది.

Related posts

జంట హత్యల కేసులో వీడిన మిస్టరీ.. వివాహేతర బంధమే కారణం!

Ram Narayana

30 ఏళ్ల తర్వాత తిరిగొచ్చాడనుకున్నారు… కానీ…!

Ram Narayana

కంపెనీ డబ్బుతో భార్యకు శాండ్విచ్ కొనిచ్చి ఉద్యోగం పోగొట్టుకున్న వ్యక్తి!

Ram Narayana

Leave a Comment