కాంగ్రెస్ తో కామ్రేడ్ పొత్తు ఫైనల్ ….సిపిఎం , సిపిఐ కి చెరో రెండు సీట్లు ….
చెరో ఐదు సీట్లు కోరిన సిపిఎం , సిపిఐ లు
సిపిఐ కి కొత్తగూడెం , చెన్నూరు …సిపిఎం కు మిర్యాలగూడం, వైరా …
పాలేరు , భద్రాచలం , మిర్యాలగూడెం , ఇబ్రహీంపట్నం,మధిర కోరిన సిపిఎం
కొత్తగూడెం , వైరా, మునుగోడు , బెల్లంపల్లి, హుస్నాబాద్ సీట్లు కోరిన సిపిఐ
కాంగ్రెస్ తో కామ్రేడ్ పొత్తు ఫైనల్ అయింది … సిపిఐకి ఉమ్మడి ఖమ్మం జిల్లాలోని కొత్తగూడెం , ఉమ్మడి ఆదిలాబాద్ జిల్లాలోని చెన్నూరు , సిపిఎంకు ఉమ్మడి ఖమ్మం జిల్లాలోని వైరా , ఉమ్మడి నల్గొండ జిల్లాలో మిర్యాలయగూడెం సీట్లు కేటాయించారు … చాలాకాలంగా చర్చోపచర్చలు జరుగుతుండటంతో కమ్యూనిస్టులకు కాంగ్రెస్ పార్టీల మధ్య పొత్తు విషయం కొలిక్కి వస్తుందా రాదా..?అనే సందేహాలు మధ్య పొత్తు ఖరారు కావడంతో అటు కాంగ్రెస్ ఇటు లెఫ్ట్ నేతలు ఊపిరి పీల్చుకున్నారు . లెఫ్ట్ పార్టీలు చెరో ఐదు సీట్లు కావాలని కోరాయి. 10 సీట్ల జాబితాను కాంగ్రెస్ అందజేశాయి… వాటిలో సిపిఎం పాలేరు , మధిర, భద్రాచలం , మిర్యాలగూడెం , ఇబ్రహీంపట్నం కోరగా , సిపిఐ కొత్తగూడెం ,మునుగుడు , హుస్నాబాద్ , బెల్లంపల్లి, వైరా సీట్లను కోరాయి… చిరవకు తెలంగాణ రాష్ట్ర కాంగ్రెస్ నేతలను ఒప్పించి చెరో రెండు సీట్లు ఇచ్చేందుకు కాంగ్రెస్ అధిష్టానం అంగీకరించింది …అందుకు కమ్యూనిస్టులు కూడా అంగీకారం తెలిపినట్లు సమాచారం …
కొత్తగూడెం నుంచి …సిపిఐ రాష్ట్ర కార్యదర్శి కూనంనేని సాంబశివరావు పోటీచేయనుండగా చెన్నూరు నుంచి పోటీచేయనున్నారు చంద్రశేఖర్ , సిపిఎం కు కేటాయించిన మిర్యాలగూడెం నుంచి మాజీ ఎమ్మెల్యే జూలకంటి రంగారెడ్డి పోటీచేయనుండగా , వైరా నుంచి భూక్యా వీరభద్రం పోటీచేయనున్నట్లు సమాచారం అయితే ఆపార్టీలు వారి పేర్లను అధికారికంగా ప్రకటించాల్సి ఉంది…
కాంగ్రెస్ రాష్ట్ర నాయకత్వం కమ్యూనిస్టులు కోరే సీట్లపై అభ్యంతరం పెట్టడంతో జాతీయ నాయకత్వాల జోక్యంతో సమస్య పరిష్కరమైంది. దీంతో కాంగ్రెస్ కమ్యూనిస్టులు కల్సి ఈ ఎన్నికల్లో బీఆర్ యస్ ఓటమే ద్యేయంగా పనిచేయాలని నిర్ణయించుకున్నారు . ఇందుకు కార్యాచరణ రూపొందించుకోవాలని అనుకున్నట్లు సమాచారం … రాష్ట్రంలో ఉభయ కమ్యూనిస్టులకు 30 నుంచి 40 నియోజకవర్గాల్లో 5 వేల నుంచి 10 వేలకు పైగా ఓట్లు ఉంటాయనే అంచనా ఉండటంతో రేపు హోరా హోరీగా జరగనున్న శాసనసభ ఎన్నికల్లో కీలకం కానున్నాయి… ఇది బీఆర్ యస్ కు మైనస్ అయ్యే అవకాశాలు ఉన్నాయని పరిశీలకుల అభిప్రాయం….
