బడ్జెట్ పేరు గొప్ప …ఊరు దిబ్బలా ఉంది…తెలంగాణకు అన్యాయం:ఎంపీ వద్దిరాజు రవి చంద్ర!
-కాళేశ్వరం జాతీయహోదా ఊసేలేదు …నిధులు కేటాయింపు లేదు
-రాష్ట్రాలను బలహీనం చేస్తూ కేంద్ర ప్రభుత్వం ఏకపక్షంగా వ్యవహరిస్తున్నది
-నిర్మలా సీతారామన్ ప్రవేశపెట్టిన బడ్జెట్ ఏ రంగానికి కూడా మంచి చేసేదిగా లేదు
కేంద్రం బుధవారం పార్లమెంట్ లో ప్రవేశ పెట్టిన బడ్జెట్ పేరు గొప్ప …ఊరు దిబ్బలా ఉందని, రాజ్యసభ సభ్యులు వద్దిరాజు రవిచంద్ర ధ్వజమెత్తారు . తెలంగాణకు కేటాయింపులు లేకపోగా అన్యాయం జరిగిందని ఇది కేంద్రం పక్షపాత ధోరణికి నిదర్శనంగా నిలిచిందని అన్నారు . ప్రపంచంలోనే అతి పెద్ద ఎత్తిపోతల పథకం కాళేశ్వరం ప్రాజెక్టుకు జాతీయ హోదానిచ్చి నిధులు కేటాయించాలనే తెలంగాణ ప్రజల డిమాండ్ ను ఏ మాత్రం పట్టించుకోకపోవడం శోచనీయం. కేంద్రం తాము అధికారంలో ఉన్న , లేక ఎన్నికలు జరుగుతున్న కర్ణాటక లాంటి రాష్ట్రాలకు అధిక నిధులు కేటాయించి తెలంగాణ కు సవతితల్లి ప్రేమ చూపడాన్ని రవిచంద్ర తప్పు పట్టారు .
కేంద్రం గతంలో 157 వైద్య కళాశాలలు మంజూరు చేస్తే,అందులో ఒకటంటే ఒకటి కూడా తెలంగాణకు ఇవ్వలేదు. ఇప్పుడేమో నర్సింగ్ కాలేజీలు ఇస్తామని బడ్జెట్ లో పేర్కొన్నారు,అయితే వీటిలో కూడా తెలంగాణకు కేంద్రం అన్యాయమే చేసేటట్టు కనిపిస్తున్నదని పేర్కొన్నారు . తమ పార్టీ ఆధ్వరంలో తెలంగాణకు నిధులు కోసం పార్లమెంట్లో పోరాడతామని వద్దిరాజు తెలిపారు .
తెలంగాణకు ఐఐఎం మంజూరు చేయకపోవడం, గిరిజన విశ్వవిద్యాలయానికి ఆశించిన రీతిలో నిధులివ్వకపోవడం,జిల్లాకో నవోదయ పాఠశాల,బయ్యారం స్టీల్, ఖాజీపేట కోచ్ ఫ్యాక్టరీల ఏర్పాటు గురించి ప్రస్తావించకపోవడం తీవ్ర విచారకరం
