Drukpadam || దృక్పధం | Daily Telugu News Update
ఆంధ్రప్రదేశ్

రేపు రెండు వందేభారత్ రైళ్లను ప్రారంభించనున్న ప్రధాని మోదీ!

రేపు రెండు వందేభారత్ రైళ్లను ప్రారంభించనున్న ప్రధాని మోదీ!

ఏప్రిల్ 8న హైదరాబాద్ వస్తున్న మోదీ
  • సికింద్రాబాద్ రైల్వే స్టేషన్ లో వందేభారత్ రైలు ప్రారంభోత్సవం
  • సికింద్రాబాద్ నుంచి తిరుపతి వెళ్లనున్న వందేభారత్ రైలు
  • బీబీ నగర్ లో ఎయిమ్స్ కు మోదీ శంకుస్థాపన
  • ఐదు జాతీయ రహదారుల ప్రాజెక్టుకు శ్రీకారం

ప్రయాణికులు ఎప్పుడెప్పుడా అని ఎదురుచూస్తున్న సికింద్రాబాద్-తిరుపతి వందేభారత్ రైలు రేపటి నుంచి పరుగులు తీయనుంది. ఏప్రిల్ 8న హైదరాబాద్ రానున్న ప్రధాని నరేంద్ర మోదీ ఈ వందేభారత్ రైలును ప్రారంభించనున్నారు.

ఉదయం 11.45 గంటలకు సికింద్రాబాద్ రైల్వే స్టేషన్ కు చేరుకోనున్న ప్రధాని మోదీ పచ్చజెండా ఊపి ఈ సెమీ హైస్పీడ్ ట్రైన్ ను ప్రారంభిస్తారు. ఈ సందర్భంగా సికింద్రాబాద్ రైల్వే స్టేషన్ అభివృద్ధి పనులకు శ్రీకారం చుట్టనున్నారు. అనంతరం, సికింద్రాబాద్ పెరేడ్ గ్రౌండ్స్ లో నిర్వహించనున్న బహిరంగ సభలో పాల్గొంటారు. తన పర్యటన సందర్భంగా బీబీ నగర్ లో నిర్మించనున్న ఎయిమ్స్ కు శంకుస్థాపన చేస్తారు. ఆ తర్వాత, 5 జాతీయ రహదారుల ప్రాజెక్టులకు కూడా మోదీ శంకుస్థాపన చేస్తారు.

తన దక్షిణాది పర్యటనలో భాగంగా ప్రధాని మోదీ రేపు చెన్నై-కోయంబత్తూరు వందేభారత్ రైలును కూడా ప్రారంభించనున్నారు. ఈ రెండు రైళ్లతో కలిపి దేశంలో నడిచే వందేభారత్ రైళ్ల సంఖ్య 13కి పెరుగుతుంది.

Related posts

నేను మళ్లీ పుట్టాను.. గత జన్మ విషయాలను పూసగుచ్చినట్టు వివరిస్తున్న నాలుగేళ్ల బాలిక!

Drukpadam

కార్డు లేకుండానే ఇకపై ఏటీఎం నుంచి డబ్బులు డ్రా!

Drukpadam

రాందేవ్ బాబాను చెప్పుతో కొట్టి బుద్ధి చెప్పాలి: సీపీఐ నారాయణ!

Drukpadam

Leave a Comment