ప్రధాని మోడీ 100 వ మాన్ కి బాత్ లో డాక్టర్ పొంగులేటి ..
-చైన్నై ట్రిప్లికేన్ అసెంబ్లీ నియోజకవర్గంలో పాల్గొన్నపొంగులేటి
-అక్కడ నాయకులు ,ప్రజలతో మమేకమైన తమిళనాడు బీజేపీ సహా ఇంచార్జి
-మాన్ కి బాత్ కి ప్రజల్లో మంచి స్పందన ఉందన్న సుధాకర్ రెడ్డి
-ఈ కార్యక్రమం ప్రధాని మోడీ దూరదృష్టికి నిదర్శమన్న పొంగులేటి
ప్రధానమంత్రి మోదీ అత్యంత ప్రతిష్టాత్మకంగా తీసుకోని చేస్తున్న మన్ కీ బాత్ 100వ మెగా-ఎపిసోడ్‌ లో మాజీ ఎమ్మెల్సీ , బీజేపీ జాతీయ నాయకులు , తమిళనాడు కో-ఇంఛార్జి డాక్టర్ పొంగులేటి సుధాకర్ రెడ్డి పాల్గొన్నారు .
ఈ సందర్భంగా అమర్ ప్రసాద్ రెడ్డి సంపాదకత్వం వహించిన మన్ కీ బాత్‌లోని వివిధ ఎపిసోడ్‌లలో తమిళ ప్రజలు, సంస్కృతి , చరిత్ర ప్రస్తావనలతో కూడిన “సెలబ్రేటింగ్ తమిళనాడు – ప్రైమ్ మినిస్టర్ నరేంద్ర మోడీ మన్ కీ బాత్” పుస్తకాన్ని డాక్టర్ సుధాకర్ రెడ్డి విడుదల చేశారు. కె. అన్నామలై మరియు ఇతరుల సమక్షంలో నైనార్ నాగేంద్రన్ ప్రతిని స్వీకరించారు. కేంద్ర ప్రభుత్వ లబ్ధిదారులను సన్మానించి, స్వీట్లు పంపిణీ చేశారు. అక్కడ ఉన్న అందరితో కలిసి భోజనం చేశారు . పరిశుభ్రత ప్రాముఖ్యత, మహిళా సాధికారత, స్థానిక తయారీదారులను ముందుకు తీసుకురావడం, కోవిడ్-19 మహమ్మారి, విద్య యొక్క ప్రాముఖ్యత మరియు దేశ నిర్మాణంలో యువత పాత్రతో సహా ప్రధాని మోదీ జీ స్పృశించిన వివిధ అంశాలను డాక్టర్ రెడ్డి మీడియా తో పంచుకున్నారు . ఎపిసోడ్‌ల సమయంలో తమిళ భాష, తమిళ సంస్కృతి, చరిత్ర మొదలైన వాటి గురించి ప్రత్యేక ప్రస్తావనలతో సహా సుధాకర్ రెడ్డి మీడియాతో మాట్లాడుతూ, మన్ కీ బాత్ భారతదేశ ప్రయత్నాలను సుస్థిర అభివృద్ధిని పెంచుతుందని మరియు ఎన్డీఏ ప్రభుత్వ కార్యక్రమాల యొక్క తీవ్ర ప్రభావాన్ని ప్రతిబంబింప చేసేందుకు ఇది ఒక సాధనం అన్నారు. ఆరోగ్యకరమైన భారతదేశాన్ని నిర్మించడం, కోట్లాది మంది భారతీయులను ముఖ్యమైన సామాజిక సమస్యలపై అనుసంధానం చేసే స్ఫూర్తిదాయకమైన వేదికను సృష్టించిందన్నారు . ఇది ప్రజాస్వామ్య పాలనలో ప్రపంచ రికార్డును సృష్టించడం గొప్పవిషయమన్నారు . ప్రధానమంత్రి నరేంద్ర మోదీదూరదృష్టి గలనేత ఆయన నేతృత్వంలో భారత్ ప్రపంచంలో పటిష్టమైన దేశంగా గుర్తింపు పొందినందుకు గర్విస్తున్నామన్నారు సుధాకర్ రెడ్డి .
చెన్నైలోని ట్రిప్లికేన్ అసెంబ్లీ నియోజకవర్గం తమిళనాడు బీజేపీ అధ్యక్షుడు కె. అన్నామలై సమక్షంలో, అసెంబ్లీ ఫ్లోర్ లీడర్ నైనార్ నాగేంద్రన్, రాష్ట్ర కార్యదర్శి సతీష్ కుమార్, రాష్ట్ర కార్యవర్గ సభ్యురాలు నమిత, జిల్లా అధ్యక్షుడు కె. విజయ్ ఆనంద్ సెంట్రల్ చెన్నై ఈస్ట్, షైన ఎన్.సి., బిజెపి అధికార ప్రతినిధి, అమర్ ప్రసాద్ రెడ్డి, రాష్ట్ర అధ్యక్షుడు స్పోర్ట్స్ అండ్ స్కిల్ డెవలప్‌మెంట్ సెల్, ఎస్. రమేష్, సీనియర్ రిపోర్టర్, మండల అధ్యక్షుడు, మునుసామి, ఇతర నాయకులు, కార్యకర్తలు మత్స్యకారుల సంఘం సభ్యులు పాల్గొన్నారు .
