బీఆర్ఎస్ భువనగిరి ఎమ్మెల్యే పైళ్ల శేఖర్ రెడ్డి నివాసం, కార్యాలయాల్లో ఐటీ అధికారులు సోదాలు నిర్వహిస్తుండటం సంచలనం రేకెత్తిస్తోంది. ఆయన నివాసం, భువనగిరి, హైదరాబాద్ కొత్తపేట గ్రీన్ హిల్స్ కాలనీలోని కార్యాలయాలతో పాటు 12 చోట్ల ఈ ఉదయం నుంచి ఐటీ దాడులు కొనసాగుతున్నాయి. మెయిన్ ల్యాండ్ డిజిటల్ టెక్నాలజీస్ లిమిటెడ్, హిల్ ల్యాండ్ టెక్నాలజీస్ లో సోదాలు జరుగుతున్నాయి. ఈ రెండు కంపెనీలకు శేఖర్ రెడ్డి భార్య వనిత డైరెక్టర్ గా ఉన్నారు.

దాదాపు 30 బృందాలు ఐటీ సోదాలను నిర్వహిస్తున్నాయి. కంపెనీల లావాదేవీలు, ఆదాయపన్ను చెల్లింపుల వివరాలను వీరు పరిశీలిస్తున్నట్టు సమాచారం. కేంద్ర బలగాల భద్రత మధ్య సోదాలు జరుగుతున్నాయి. ఈ ఐటీ దాడులతో బీఆర్ఎస్ పార్టీలో ఉత్కంఠ నెలకొంది.