- హెలికాప్టర్ ప్రయాణానికి వాతావరణం అనుకూలించకపోవడంతో రోడ్డు మార్గంలో వెళ్లిన సీఎం
- బుర్ద్వాన్లో మమతా బెనర్జీ కాన్వాయ్లోకి అకస్మాత్తుగా ప్రవేశించిన కారు
- సడన్ బ్రేక్ వేసిన కారు డ్రైవర్
పశ్చిమ బెంగాల్ ముఖ్యమంత్రి, తృణమూల్ కాంగ్రెస్ అధినేత్రి మమతా బెనర్జీ ప్రయాణిస్తున్న కారు ప్రమాదానికి గురై ఆమె తలకు చిన్న గాయమైంది. బుధవారం బుర్ద్వాన్లో మమతా బెనర్జీ కాన్వాయ్లోకి అకస్మాత్తుగా ఓ కారు ప్రవేశించింది. దీంతో మమత ప్రయాణిస్తున్న కారు డ్రైవర్ సడన్ బ్రేక్ వేయడంతో స్వల్ప ప్రమాదం జరిగింది. హెలికాప్టర్ ప్రయాణానికి వాతావరణం అనుకూలించకపోవడంతో ఆమె రోడ్డు మార్గంలో వెళుతున్న సమయంలో బుర్ద్వాన్లో ఈ ప్రమాదం చోటు చేసుకుంది. ముఖ్యమంత్రి తలకు స్వల్పగాయం అయిందని ప్రాథమిక నివేదిక తెలిపింది.
