కరూర్ రక్తసిక్తానికి అనేక వైఫల్యాలు…
సభ 7 గంటలకు పైగా ఆలస్యం
విరుకు రోడ్లు , విద్యుత్ కోత..ఒక్కసారిగా గుమికూడిన జనం
ఆంబులెన్స్ లపై పార్టీ కార్యకర్తలు దాడులు …

తమిళ హీరో విజయ్ రానున్న ఎన్నికలకు సన్నద్ధతలో భాగంగా తాను పెట్టిన పార్టీ ఆధ్వరంలో పెద్ద ఎత్తున జరుపుతున్న సభల్లో శనివారం కరూర్ పట్టణంలో జరిగిన సభ రక్తసిక్తమైంది …సభకు హాజరైన వారిలో 40 మందికి పైగా మరణించగా మరో 60 పైగా గాయాలైయ్యాయి …గాయపడ్డవారిలో కొందరి పరిస్థితి సీరియస్ గా ఉన్నట్లు తెలుస్తుంది …ఇంతపెద్ద మొత్తంలో తొక్కిసలాట జరగటంపై ప్రధాని మోడీ దిగ్బ్రాంతి వ్యక్తం చేశారు …హోమ్ మంత్రి అమిత్ షా రాష్ట్ర ముఖ్యమంత్రి స్టాలిన్ కు , రాష్ట్ర గవర్నర్ కు ఫోన్ చేసి ఆరా తీశారు …

దేశం మొత్తం సంఘటనపై నివ్వరపోయింది …ఒక్కసారిగా అసలక్కడ ఏమి జరిగింది ..ఎన్ని లక్షల మంది ప్రజలు సభకు హాజరైయ్యారని వాకబు చేశారు …అయితే కేవలం 10 వేలమంది సభకు వస్తారని పర్మిషన్ తీసుకున్నారని 27 వేల నుంచి 30 వేల వరకు వచ్చారని పోలీసులు చెపుతున్నారు …అందుకు 500 మంది పోలీసులని అక్కడ ఉంచామని అంటున్నారు …అయితే పార్టీ అధినేత విజయ్ మధ్యాహ్నం 12 గంటలకు సభకు వస్తారని ప్రచారం చేశారని ఆయన రాత్రి 7 గంటల తర్వాత వచ్చారని అంతసేపు వేచి ఉన్న అభిమానులు తీవ్ర ఇబ్బందులకు గురైయ్యారని ..ఆయన వచ్చినప్పుడు ఒక్కసారిగా ఆయన్ను చూడాలని ఆసక్తితో తోపులాట జరిగిందని దీంతో ఒక్కసారిగా ఏమి జరిగిందో అర్ధం అయ్యేలోపే జరగాల్సిన నష్టం జరిగిపోయిందని ప్రత్యక్ష సాక్షులు తెలిపారు ..

కరూర్ తొక్కిసలాటకు దారితీసిన కారణాలపై ప్రత్యక్ష సాక్షులు మరియు బాధిత కుటుంబాలు విద్యుత్ కోత, ఇరుకైన రోడ్లు, జనసమూహం పెరుగుదల మరియు తక్షణ సహాయం లేకపోవడం కీలకమని పేర్కొన్నారు.దుర్ఘటన తర్వాత బూట్ల దిబ్బలు, చిరిగిన జెండాలు, విరిగిన స్తంభాలు మరియు శిథిలాలు కనిపించాయి.

శనివారం సాయంత్రం తమిళగ వెట్రి కజగం (TVK) చీఫ్ విజయ్ నిర్వహించిన కరూర్ ర్యాలీలో భయాందోళనలు మరియు గందరగోళం చెలరేగాయి, మహిళలు మరియు పిల్లలు సహా 39 మంది మరణించారు మరియు డజన్ల కొద్దీ గాయపడ్డారు. ప్రత్యక్ష సాక్షులు, బాధితుల కుటుంబాలు మరియు క్షేత్ర దృశ్యాలు ఒక వేడుకను రాష్ట్రంలో అత్యంత ఘోరమైన రాజకీయ తొక్కిసలాటలలో ఒకటిగా మార్చడానికి కారణమైన అంశాల క్రమాన్ని వెల్లడిస్తున్నాయి.

బాధితులలో ఒకరి బావమరిది వినోద్ కుమార్ అభిప్రాయం ప్రకారం , నలుగురు సభ్యుల కుటుంబం సాయంత్రం వరకు విజయ్‌ను చూడటానికి వేచి ఉంది, ఆయన అభిమానులు ఆయనను ‘విజయ్ మామా’ అని ప్రేమగా పిలుస్తారు. “చాలా ఆలస్యమైంది, కానీ వాళ్ళు విజయ్ సర్ ని ఒకసారి చూడాలనుకున్నారు. సాయంత్రం 7 నుండి 7:30 వరకు విద్యుత్ సరఫరా నిలిచిపోయింది, ఆయన రాకకు ముందే జనం గుమిగూడారు. నా కోడలు మరియు 11 , 7 సంవత్సరాల వయస్సు గల ఆమె ఇద్దరు పిల్లలు అక్కడికక్కడే మరణించారు. పెద్ద కూతురు మరియు చిన్న కూతురు ఊపిరి పీల్చుకోవడంలో ఇబ్బంది పడుతూ తల్లి నుండి విడిపోయారు,” అని ఆయన అన్నారు. పోస్ట్‌మార్టం నివేదికలు ఊపిరాడకపోవడాన్ని నిర్ధారించాయి. గందరగోళం చెలరేగుతుండగా విజయ్ మౌనంగా ఉన్నారనే విమర్శలు ఉన్నాయి ..రెస్క్యూ సమయంలో టీవీకే కార్మికులు 5 అంబులెన్స్‌లపై దాడి చేశారు

మరో బాధితురాలు జయంతి (45) తన 20 ఏళ్ల కుమారుడు అశ్విన్ కుమారన్‌తో ర్యాలీకి హాజరైనప్పుడు ప్రాణాలు కోల్పోయింది. పోలీసులు మరియు టీవీకే వాలంటీర్లు తగినంతగా స్పందించడంలో విఫలమయ్యారని అశ్విన్ ఆరోపించారు. “టీవీకే వాలంటీర్లు కూడా గాయపడ్డారు దీంతో వారు సహాయం చేయలేకపోయారు. అంబులెన్స్‌లు ఎక్కడ ఉన్నాయో ఎవరూ మాకు చెప్పలేదు. నీటి సరఫరా లేదు, మరియు రహదారి చాలా ఇరుకైనది మరియు ఇరుకైనది” అని ఆయన అన్నారు.

వేదిక వద్ద బూట్లు, నలిగిన నీటి సీసాలు, చిరిగిన జెండాలు, విరిగిన స్తంభాలు మరియు చెల్లాచెదురుగా ఉన్న శిథిలాలు ఉన్నాయి. తప్పించుకోవడానికి ప్రయత్నిస్తూ చాలా మంది రోడ్డు మార్జిన్ సమీపంలోని లోతట్టు మురుగు కాలువలోకి నెట్టబడ్డారు. కొందరు గడ్డి పైకప్పులపైకి ఎక్కి పడిపోయారు, పోలీసులు జనాన్ని నియంత్రించడానికి లాఠీ ఛార్జ్ చేశారు. “అభిమానులు విజయ్ పేరును జపిస్తుండగా, అది తొక్కిసలాట అని చాలామంది గ్రహించలేదు. పడిపోయిన వారిపై ప్రజలు జారిపడ్డారు” అని ప్రాణాలతో బయటపడిన ఒకరు చెప్పారు.

తెల్లవారుజామున, వేదిక దగ్గరకు వెళ్ళిన స్థానికులు విధ్వంసం యొక్క తీవ్రతను చూసి దిగ్భ్రాంతి చెందారు, కరూర్ ప్రభుత్వ ఆసుపత్రి గాయపడిన బాధితులతో నిండిపోయింది, పోలీసులు మరియు ఆసుపత్రి సిబ్బంది ఇద్దరూ చికిత్స పొందారు. కుటుంబ సభ్యులు ప్రియమైన వారిని అకస్మాత్తుగా కోల్పోయినందుకు విలపించారు, రాత్రంతా మార్చురీ వద్ద తీవ్రమైన ఏడుపులు వినిపించాయి.

ఈ సంఘటన తర్వాత, విజయ్ సోషల్ మీడియాలో “భరించలేని, వివరించలేని బాధ మరియు దుఃఖం” వ్యక్తం చేస్తూ పోస్ట్ చేశాడు . ఆసుపత్రిలో చేరిన వారు కోలుకోవాలని ప్రార్థించాడు. తమిళనాడు ముఖ్యమంత్రి ఎంకే స్టాలిన్ చెన్నై నుండి కరూర్‌కు చేరుకున్నారు, వైద్యులు , బాధిత కుటుంబాలను కలవడానికి, వారికి సాధ్యమైనంత ఉత్తమమైన సంరక్షణను అందిస్తామని హామీ ఇచ్చారు.

ఆదివారం తరువాత, విజయ్ తన మద్దతుదారులకు ఒక భావోద్వేగ సందేశంలో, కరూర్ విషాదం పట్ల తాను “తీవ్ర దుఃఖంతో కుంగిపోయానని” అన్నారు మరియు మరణించిన వారి కుటుంబాలకు ఒక్కొక్కరికి రూ. 20 లక్షలు మరియు గాయపడిన వారికి రూ. 2 లక్షల పరిహారం ప్రకటించారు. ఈ నష్టాన్ని “కోలుకోలేనిది” అని విలపించిన ఆయన, ఏ మొత్తం బాధను తగ్గించలేదని అన్నారు, అయితే తమిళగ వెట్రి కజగం బాధితుల కుటుంబాలకు అండగా నిలుస్తుందని మరియు సాధ్యమైన అన్ని సహాయాన్ని అందిస్తుందని హామీ ఇచ్చారు.

కరూర్ పెను విషాదం.. విజయ్ ర్యాలీలో తొక్కిసలాటకు దారితీసిన 5 వైఫల్యాలు!
కరూర్ తొక్కిసలాటలో 39 మంది దుర్మరణం
పోలీసుల ప్రాథమిక నివేదికలో 5 కీలక వైఫల్యాలు వెలుగులోకి
నటుడి రాక 7 గంటలు ఆలస్యం కావడమే ప్రధాన కారణమని నిర్ధారణ
అంచనాలను మించి పోటెత్తిన జనం, అరకొర భద్రతా ఏర్పాట్లు

తమిళనాడులోని కరూర్ పట్టణం రక్తమోడింది. నటుడు, ‘తమిళగ వెట్రి కళగం’ (టీవీకే) పార్టీ అధినేత విజయ్ రాజకీయ అరంగేట్ర సభ పెను విషాదానికి వేదికైంది. శనివారం జరిగిన ఈ ర్యాలీలో ఊహించని రీతిలో జరిగిన తొక్కిసలాటలో 39 మంది ప్రాణాలు కోల్పోగా, 100 మందికి పైగా తీవ్ర గాయాలపాలయ్యారు. ఈ ఘోర దుర్ఘటన వెనుక నిర్వాహకుల నిర్లక్ష్యం, పోలీసుల వైఫల్యం కొట్టొచ్చినట్లు కనిపిస్తోందని ప్రాథమిక దర్యాప్తులో తేలింది. ఈ ఘటనకు దారితీసిన ఐదు ప్రధాన లోపాలను పోలీసులు గుర్తించారు.

తొక్కిసలాటకు దారితీసిన 5 వైఫల్యాలు ఇవే..
రాష్ట్ర డీజీపీ జి. వెంకటరామన్ మీడియాకు వెల్లడించిన వివరాల ప్రకారం, ఈ దుర్ఘటనకు అనేక కారణాలు దోహదం చేశాయి.

అంచనాల్లో ఘోర వైఫల్యం: సభకు కేవలం 10 వేల మంది వస్తారని నిర్వాహకులు అంచనా వేసి అనుమతులు తీసుకున్నారు. కానీ, అనూహ్యంగా 27 వేల మందికి పైగా జనం పోటెత్తారు. పెరిగిన జనసందోహానికి అనుగుణంగా ఏర్పాట్లు చేయడంలో పూర్తిగా విఫలమయ్యారు.
అరకొర భద్రతా సిబ్బంది: 27 వేల మంది జనాన్ని నియంత్రించడానికి కేవలం 500 మంది పోలీసులను మాత్రమే మోహరించారు. ఇది ఏమాత్రం సరిపోకపోవడంతో పరిస్థితి అదుపు తప్పింది. సరైన బారికేడ్లు, క్యూలైన్ల నిర్వహణ కూడా కరువైంది.
షెడ్యూల్ ఉల్లంఘన, తీవ్ర జాప్యం: పార్టీ ఎక్స్ (ట్విట్టర్) ఖాతాలో విజయ్ మధ్యాహ్నం 12 గంటలకే వస్తారని ప్రకటించారు. కానీ, ఆయన సభాస్థలికి చేరుకునేసరికి రాత్రి 7:40 అయింది. దాదాపు ఏడు గంటలకు పైగా ఎండలో, ఉక్కపోతలో ఆహారం, నీరు లేకుండా వేచి ఉన్న జనం సహనం కోల్పోయారు.
నిర్వాహకుల నిర్లక్ష్యం: గంటల తరబడి వేచి ఉన్న ప్రజలకు కనీస సౌకర్యాలైన తాగునీరు, ప్రథమ చికిత్స వంటివి ఏర్పాటు చేయడంలో నిర్వాహకులు విఫలమయ్యారని ఆరోపణలు వెల్లువెత్తుతున్నాయి.
క్రౌడ్ మేనేజ్‌మెంట్‌లో లోపాలు: విజయ్ వాహనం రాగానే అభిమానులు ఒక్కసారిగా వేదిక వైపు దూసుకువచ్చారు. వారిని నియంత్రించే సరైన ప్రణాళిక లేకపోవడం, అత్యవసర ద్వారాలు (ఎమర్జెన్సీ ఎగ్జిట్స్) లేకపోవడంతో తొక్కిసలాట జరిగి, ఊపిరాడక చాలా మంది ప్రాణాలు విడిచారు.

సమాచారం అందుకున్న వెంటనే పోలీసులు, సహాయక బృందాలు ఘటనా స్థలానికి చేరుకుని సహాయక చర్యలు చేపట్టాయి. క్షతగాత్రులను హుటాహుటిన సమీప ఆస్పత్రులకు తరలించారు. గాయపడిన వారిలో పలువురి పరిస్థితి విషమంగా ఉన్నట్లు వైద్యులు తెలిపారు. ముగ్గురు చిన్నారులు ఇంటెన్సివ్ కేర్ యూనిట్ లో చికిత్స పొందుతున్నారు.

మాటలకు అందని, వర్ణించలేని బాధ: విజయ్
ఈ ఘటనపై నటుడు విజయ్ తీవ్ర దిగ్భ్రాంతి, ఆవేదన వ్యక్తం చేశారు. “నా గుండె పగిలిపోయింది. మాటలకు అందని, వర్ణించలేని బాధతో కుమిలిపోతున్నాను. కరూర్ లో ప్రాణాలు కోల్పోయిన నా సోదర సోదరీమణుల కుటుంబాలకు నా ప్రగాఢ సానుభూతి తెలియజేస్తున్నాను. ఆస్పత్రిలో చికిత్స పొందుతున్న వారు త్వరగా కోలుకోవాలని ప్రార్థిస్తున్నాను” అని ఆయన ‘ఎక్స్’ (ట్విట్ట‌ర్‌) వేదికగా పేర్కొన్నారు.

తమిళనాడు ముఖ్యమంత్రి ఎం.కె. స్టాలిన్ ఈ దుర్ఘటనపై తీవ్ర విచారం వ్యక్తం చేశారు. మృతుల కుటుంబాలకు తక్షణమే రూ. 10 లక్షలు, గాయపడిన వారికి రూ. లక్ష చొప్పున పరిహారం ప్రకటించారు. క్షతగాత్రులకు మెరుగైన వైద్యం అందించాలని అధికారులను ఆదేశించారు. ఘటనకు గల కారణాలను తెలుసుకోవ‌డానికి, భవిష్యత్తులో ఇలాంటివి పునరావృతం కాకుండా ఉండేందుకు తీసుకోవాల్సిన చర్యలపై సిఫార్సులు చేయడానికి న్యాయ విచారణకు ఆదేశించారు. ప్ర‌ధాని మోదీ, ఉపరాష్ట్రపతి సి.పి. రాధాకృష్ణన్, కాంగ్రెస్ నేత రాహుల్ గాంధీ సహా పలువురు జాతీయ నాయకులు ఈ విషాదం పట్ల సంతాపం ప్రకటించారు.

కరూర్ తొక్కిసలాట ఘ‌ట‌న‌.. విజయ్‌ని అరెస్ట్ చేస్తారా?.. సీఎం స్టాలిన్ ఏమన్నారంటే..!

శనివారం జరిగిన ఈ సభకు కార్యకర్తలు, అభిమానులు ఊహించని రీతిలో భారీ సంఖ్యలో తరలివచ్చారు. విజయ్ వేదికపై ప్రసంగిస్తున్న సమయంలో జనాన్ని నియంత్రించడం పోలీసులకు కష్టంగా మారింది. విపరీతమైన జనం, తీవ్రమైన ఉక్కపోత కారణంగా చాలామంది ఊపిరాడక సొమ్మసిల్లి పడిపోయారు. పరిస్థితిని గమనించిన విజయ్ తన ప్రసంగాన్ని మధ్యలోనే ఆపివేశారు. కొందరికి స్వయంగా మంచినీటి బాటిళ్లు అందించే ప్రయత్నం చేశారు.

అయినప్పటికీ, కొద్దిసేపట్లోనే పరిస్థితి పూర్తిగా చేయిదాటి పెను తొక్కిసలాటకు దారితీసింది. సమాచారం అందుకున్న సహాయక బృందాలు, అంబులెన్సులు జనసందోహం మధ్య నుంచి అతికష్టం మీద క్షతగాత్రులను ఆసుపత్రులకు తరలించాయి. ఈ ఘటనపై సీఎం ఎంకే స్టాలిన్ తీవ్ర దిగ్భ్రాంతి వ్యక్తం చేశారు. ఆయన హుటాహుటిన కరూర్ చేరుకుని ఆసుపత్రిలో చికిత్స పొందుతున్న బాధితులను పరామర్శించారు.

ఈ సందర్భంగా సీఎం స్టాలిన్ మాట్లాడుతూ… “ఇది రాజకీయ విమర్శలు చేసే సమయం కాదు. బాధితులకు మెరుగైన వైద్యం అందించడమే మా ప్రథమ కర్తవ్యం. ఘటనపై విచారణకు ఒక కమిటీని ఏర్పాటు చేశాం. ఆ కమిటీ నివేదిక ఆధారంగా తగిన చర్యలు తీసుకుంటాం” అని తెలిపారు. విజయ్‌ను అరెస్ట్ చేస్తారా? అని మీడియా ప్రశ్నించగా, దాని గురించి ఇప్పుడు మాట్లాడటం సరికాదని ఆయన స్పష్టం చేశారు.

కరూర్ తొక్కిసలాటపై కేంద్రం సీరియస్… తమిళనాడు ప్రభుత్వానికి కీలక ఆదేశాలు

తమిళనాడులోని కరూర్ లో జరిగిన ఘోర తొక్కిసలాట ఘటనపై కేంద్ర హోం మంత్రిత్వ శాఖ తీవ్రంగా స్పందించింది. నటుడు విజయ్ ఏర్పాటు చేసిన రాజకీయ సభలో జరిగిన ఈ దుర్ఘటనలో 40 మంది ప్రాణాలు కోల్పోవడంపై దిగ్భ్రాంతి వ్యక్తం చేసింది. ఈ ప్రమాదానికి దారితీసిన పరిస్థితులు, సహాయక చర్యలపై పూర్తి వివరాలతో తక్షణమే నివేదిక సమర్పించాలని తమిళనాడు ప్రభుత్వాన్ని ఆదేశించింది.

సమాచారం అందుకున్న వెంటనే సీనియర్ మంత్రులు అన్బిల్ మహేశ్ పొయ్యమొళి, మా సుబ్రమణియన్ హుటాహుటిన కరూర్ చేరుకుని సహాయక చర్యలను పర్యవేక్షించారు. క్షతగాత్రులను కరూర్ ప్రభుత్వ వైద్య కళాశాల ఆసుపత్రికి తరలించారు. వీరిలో ముగ్గురు చిన్నారుల పరిస్థితి విషమంగా ఉందని, వారిని ఐసీయూలో ఉంచి చికిత్స అందిస్తున్నామని అధికారులు తెలిపారు. ఆసుపత్రి ప్రాంగణం బాధితులు, వారి బంధువుల ఆర్తనాదాలతో యుద్ధ వాతావరణాన్ని తలపించిందని స్థానిక అధికారులు పేర్కొన్నారు. అదనపు డీజీపీ (శాంతిభద్రతలు) డేవిడ్సన్ దేవశిర్వతం సంఘటనా స్థలానికి చేరుకుని పరిస్థితిని సమీక్షించారు.

ఈ దుర్ఘటనపై ప్రధాని నరేంద్ర మోదీ తీవ్ర విచారం వ్యక్తం చేశారు. మృతుల కుటుంబాలకు ప్రగాఢ సానుభూతి తెలిపారు. క్షతగాత్రులు త్వరగా కోలుకోవాలని ఆకాంక్షిస్తున్నట్లు ఆయన పేర్కొన్నారు. తమిళనాడు ముఖ్యమంత్రి ఎం.కే. స్టాలిన్ మృతుల కుటుంబాలకు ముఖ్యమంత్రి సహాయ నిధి నుంచి రూ. 10 లక్షల చొప్పున ఎక్స్‌గ్రేషియా ప్రకటించారు. తీవ్రంగా గాయపడిన వారికి రూ. లక్ష చొప్పున ఆర్థిక సహాయం అందిస్తామని తెలిపారు. బాధితులను పరామర్శించేందుకు, భవిష్యత్ కార్యక్రమాలకు భద్రతా ఏర్పాట్లను సమీక్షించేందుకు సీఎం స్టాలిన్ కరూర్ లో పర్యటించనున్నారు.

సభా ప్రాంగణంలో ఉన్నట్లుండి జనం ముందుకు తోసుకురావడంతోనే ఈ ఘోరం జరిగిందని ప్రత్యక్ష సాక్షులు చెబుతున్నారు. భద్రతా వైఫల్యాలు, నిర్వాహకుల లోపాలపై అధికారులు దర్యాప్తు ప్రారంభించారు. ఇటీవలి కాలంలో రాజకీయ సభల్లో జరిగిన అతిపెద్ద విషాదాల్లో ఒకటిగా ఈ ఘటన నిలిచింది.

విజయ్ 7 గంటలు ఆలస్యంగా రావడమే ప్రమాదానికి కారణమన్న రాష్ట్ర డీజీపీ
అంచనాలకు మించి మూడు రెట్లు పోటెత్తిన అభిమానులు, కార్యకర్తలు

తమిళనాడులో ప్రముఖ నటుడు, రాజకీయ నేత విజయ్ ఏర్పాటు చేసిన సభలో పెను విషాదం చోటుచేసుకుంది. కరూర్ లో శనివారం జరిగిన ఈ సభలో తొక్కిసలాట జరిగి 39 మంది మరణించగా, వంద మందికి పైగా తీవ్రంగా గాయపడ్డారు. కాగా, విజయ్ ఏడు గంటలు ఆలస్యంగా సభా ప్రాంగణానికి రావడమే ఈ ఘోర దుర్ఘటనకు ప్రధాన కారణమని రాష్ట్ర డీజీపీ జి. వెంకటరామన్ పేర్కొనడం సంచలనం సృష్టిస్తోంది.

డీజీపీ వెంకటరామన్ మీడియా సమావేశంలో మాట్లాడుతూ, “సభ నిర్వాహకులు 10 వేల మంది వస్తారని అంచనా వేసి అనుమతి కోరారు. కానీ, ఊహించని విధంగా సుమారు 27 వేల మందికి పైగా జనం పోటెత్తారు. భద్రత కోసం 500 మంది సిబ్బందిని మాత్రమే మోహరించాం” అని తెలిపారు. ఇంతకుముందు విజయ్ పార్టీ ‘తమిళగ వెట్రి కళగం (టీవీకే)’ సభలకు తక్కువ సంఖ్యలో జనం వచ్చేవారని, ఈసారి మాత్రం అంచనాలు పూర్తిగా తలకిందులయ్యాయని ఆయన వివరించారు.

నిజానికి సభకు సాయంత్రం 3 గంటల నుంచి రాత్రి 10 గంటల వరకు అనుమతి ఉందని, కానీ పార్టీ అధికారిక ఎక్స్ (ట్విట్టర్) ఖాతాలో విజయ్ మధ్యాహ్నం 12 గంటలకే వస్తారని ప్రకటించారని డీజీపీ తెలిపారు. “ఈ ప్రకటనతో ఉదయం 11 గంటల నుంచే ప్రజలు రావడం మొదలుపెట్టారు. కానీ విజయ్ వచ్చింది రాత్రి 7:40 గంటలకు. గంటల తరబడి ఎండలో సరైన ఆహారం, నీరు లేకుండా ఎదురుచూడటంతో జనం తీవ్ర అసహనానికి గురయ్యారు” అని ఆయన అన్నారు. అయితే, తొక్కిసలాటకు కచ్చితమైన కారణం ఇప్పుడే చెప్పలేమని స్పష్టం చేశారు.

కరూర్ ఘటన.. మృతుల కుటుంబాలకు విజయ్ రూ.20 లక్షల సాయం

తమిళ సినీ నటుడు, తమిళగ వెట్రి కళగం (టీవీకే) అధినేత విజయ్ తన ప్రచార సభలో జరిగిన దుర్ఘటనపై తీవ్ర దిగ్భ్రాంతి వ్యక్తం చేశారు. కరూర్‌లో జరిగిన తొక్కిసలాటలో ప్రాణాలు కోల్పోయిన వారి కుటుంబాలకు భారీ ఆర్థిక సాయాన్ని ప్రకటించి తన బాధ్యతను చాటుకున్నారు.

ఈ విషాద ఘటనలో మరణించిన వారి కుటుంబాలకు రూ. 20 లక్షల చొప్పున పరిహారం అందించనున్నట్లు విజయ్ ఒక ప్రకటనలో తెలిపారు. ఇదే ఘటనలో గాయపడి ఆసుపత్రుల్లో చికిత్స పొందుతున్న వారికి రూ. 2 లక్షల ఆర్థిక సాయం అందజేయనున్నట్లు వెల్లడించారు. తాను ప్రకటించిన ఈ మొత్తం వారి కుటుంబాల్లో వెలుగులు నింపలేదని, వారికి జరిగిన నష్టాన్ని పూడ్చలేదని ఆయన ఆవేదన వ్యక్తం చేశారు.

బాధిత కుటుంబాలకు తాను, తన పార్టీ ఎల్లప్పుడూ అండగా ఉంటుందని విజయ్ హామీ ఇచ్చారు. కాగా, శనివారం కరూర్ పట్టణంలో విజయ్ నిర్వహించిన ప్రచార సభకు భారీగా జనం తరలివచ్చిన విషయం తెలిసిందే. ఈ క్రమంలో జరిగిన తొక్కిసలాటలో 39 మంది ప్రాణాలు కోల్పోగా, పలువురు తీవ్రంగా గాయపడ్డారు. ఈ ఘటన తమిళనాడులో తీవ్ర విషాదాన్ని నింపింది.

న్యాయస్థానం మెట్లెక్కిన విజయ్ పార్టీ
కరూర్ లో విజయ్ సభలో తొక్కిసలాట.. 40కి చేరిన మృతుల సంఖ్య
సోమవారం మధ్యాహ్నం మదురై బెంచ్ లో అత్యవసర విచారణ
జ్యుడీషియల్ కమిషన్ తో విచారణకు సీఎం స్టాలిన్ ఆదేశం
మృతుల కుటుంబాలకు రూ.10 లక్షల పరిహారం ప్రకటన
ఇది ప్రభుత్వ వైఫల్యమేనని ప్రతిపక్ష నేత పళనిస్వామి ఆరోపణ

తమిళనాడులో నటుడు, తమిళగ వెట్రి కళగం (టీవీకే) అధ్యక్షుడు విజయ్ నిర్వహించిన రాజకీయ సభలో జరిగిన ఘోర తొక్కిసలాట ఘటన తీవ్ర రాజకీయ, న్యాయపరమైన మలుపు తీసుకుంది. 40 మంది ప్రాణాలు బలిగొన్న ఈ విషాదంపై స్వతంత్ర, పారదర్శక విచారణ జరిపించాలని కోరుతూ స్వయంగా విజయ్ పార్టీయే మద్రాస్ హైకోర్టును ఆశ్రయించడం గమనార్హం.

ఈ ఘటనపై తమ పార్టీ దాఖలు చేసిన పిటిషన్‌ను సోమవారం మధ్యాహ్నం 2:15 గంటలకు మద్రాస్ హైకోర్టు మదురై ధర్మాసనం అత్యవసరంగా విచారించనుందని టీవీకే డిప్యూటీ జనరల్ సెక్రటరీ సి.టి.ఆర్. నిర్మల్ కుమార్ ఆదివారం మీడియాకు తెలిపారు. బాధితులకు న్యాయం జరిగేలా చూడాలని కోరుతూ జస్టిస్ ఎం. దండపాణి నివాసంలో తమ న్యాయవాదుల బృందం అత్యవసరంగా ఈ విషయాన్ని ప్రస్తావించినట్లు ఆయన వివరించారు. జనసందోహం నిర్వహణ, భద్రతా ఏర్పాట్లలో జవాబుదారీతనాన్ని నిర్ధారించేందుకు స్వతంత్ర విచారణ అవసరమని కోర్టుకు విజ్ఞప్తి చేసినట్లు చెప్పారు.

ఈ ఘటనపై తీవ్ర దిగ్భ్రాంతి వ్యక్తం చేసిన ముఖ్యమంత్రి ఎం.కె. స్టాలిన్, రిటైర్డ్ జస్టిస్ అరుణా జగదీశన్ నేతృత్వంలో జ్యుడీషియల్ కమిషన్‌తో విచారణకు ఆదేశించారు. మృతుల కుటుంబాలకు రూ.10 లక్షలు, గాయపడిన వారికి రూ.లక్ష చొప్పున పరిహారం ప్రకటించారు. అయితే, ప్రతిపక్ష నేత, అన్నాడీఎంకే ప్రధాన కార్యదర్శి పళనిస్వామి ఇది ప్రభుత్వ భద్రతా వైఫల్యం వల్లే జరిగిందని, ఇది మానవ తప్పిదమని తీవ్రంగా ఆరోపించారు. మృతుల సంఖ్య పెరుగుతుండటం, ప్రభుత్వంపై విమర్శలు వెల్లువెత్తుతున్న నేపథ్యంలో, న్యాయస్థానం జోక్యంతో ఈ ఘటనపై రాబోయే రోజుల్లో రాజకీయ వేడి మరింత పెరిగే అవకాశం కనిపిస్తోంది.