ఎయిరిండియా విమానంలో దట్టమైన పొగలు… 14 మందికి అస్వస్థత!
- మస్కట్ ఎయిర్ పోర్టులో ఘటన
- విమానం ఇంజిన్ లో మంటలు
- విమానం అంతటా వ్యాపించిన పొగలు
- ప్రయాణికులను దించి వేసిన అధికారులు
మస్కట్ ఎయిర్ పోర్టులో ఎయిరిండియా విమానంలో దట్టమైన పొగలు వ్యాపించాయి. విమానం ఇంజిన్లలో ఒకదాంట్లో మంటలు చెలరేగడంతో విమానం అంతా పొగతో నిండిపోయింది. ఆ సమయంలో విమానంలో 145 మంది ప్రయాణికులతో పాటు సిబ్బంది కూడా ఉన్నారు. వెంటనే వారిని విమానం నుంచి కిందికి దింపేశారు.
తోక భాగం వద్ద స్లైడ్ డోర్ (జారుడు బల్ల తరహా ద్వారం) తెరిచి వారిని సురక్షితంగా దించేశారు. వారిని టెర్మినల్ బిల్డింగ్ లోకి తరలించారు. కాగా, ఈ ఘటనలో 14 మంది అస్వస్థతకు గురైనట్టు తెలిసింది.
ఈ విమానం బుధవారం ఉదయం మస్కట్ నుంచి కేరళలోని కొచ్చి రావాల్సి ఉంది. విమానంలో పొగలు రావడంతో, ప్రయాణికులను మరో విమానంలో తరలించే అవకాశాలున్నాయి.
ల‌గేజీని డ్యామేజ్ చేశారంటూ ఇండిగో స్టాఫ్‌పై న‌టి పాయల్ రాజ్పుత్ ఆగ్రహం
- ఇటీవలే ఇండిగో విమానంలో ప్ర‌యాణించిన పాయల్
- ల‌గేజీని ఇండిగో సిబ్బంది విసిరేశార‌న్న న‌టి
- వ‌ర‌స్ట్ ఎక్స్‌పీరియ‌న్స్ ఇదేనంటూ ఆవేద‌న
టాలీవుడ్ న‌టి పాయల్ రాజ్పుత్ బుధవారం సోష‌ల్ మీడియా వేదిక‌గా ఓ అంశాన్ని ప్ర‌స్తావించారు. విమాన ప్ర‌యాణంలో త‌న‌కు చేదు అనుభ‌వం ఎదురైంద‌న్న పాయల్… ప్రైవేటు విమాన‌యాన సంస్థ సిబ్బంది దుందుడుకుత‌నమే ఇందుకు కార‌ణ‌మ‌ని ఆగ్రహం వ్య‌క్తం చేశారు. ఈ సంద‌ర్భంగా డ్యామేజీ అయిన త‌న ల‌గేజీ ఫొటోల‌ను కూడా ఆమె త‌న పోస్ట్‌కు జ‌త చేశారు.
ఇటీవలే ఇండిగో విమానంలో పాయల్ రాజ్పుత్ ప్ర‌యాణించింద‌ట. ఈ సంద‌ర్భంగా త‌న ల‌గేజీని ఇండిగో విమాన సిబ్బంది నిర్ల‌క్ష్యంగా విసిరిపారేశార‌ట. దీంతో త‌న ల‌గేజీ డ్యామేజీ అయ్యింద‌ని పేర్కొన్న పాయల్… ఈ ప్ర‌యాణం త‌న‌కు ఎన్న‌డూ ఎదుర‌వ‌ని చేదు అనుభ‌వాన్ని మిగిల్చింద‌ని పేర్కొంది.
