భారత ప్రధాని నరేంద్ర మోదీ ఫ్రాన్స్ పర్యటనకు ముందు ఓ అవాంఛనీయ పరిణామం చోటుచేసుకుంది. ఫ్రాన్స్ అధ్యక్షుడు ఇమ్మాన్యుయేల్ మేక్రాన్ అధికారిక నివాసం ఎలిసీ ప్యాలెస్ కు ఓ పార్శిల్ రాగా, విప్పి చూసిన అధికారులు బెంబేలెత్తిపోయారు. అందులో ఓ తెగిన వేలు ఉండడమే అందుకు కారణం. ఈ విషయాన్ని పారిస్ ప్రాసిక్యూషన్ విభాగం నిర్ధారించినట్టు తెలుస్తోంది.

ఇటీవల ఫ్రాన్స్ లో అరాచక పరిస్థితులు చోటుచేసుకున్నాయి. పోలీసుల కాల్పుల్లో ఓ టీనేజి కుర్రాడు మరణించాడు. ఫ్రాన్స్ లో రోజుల తరబడి హింసాత్మక ఘటనలు జరిగాయి. ఈ నేపథ్యంలోనే మేక్రాన్ అధికారిక నివాసానికి తెగిన వేలుతో కూడిన పార్శిల్ వచ్చి ఉంటుందని భావిస్తున్నారు. కాగా, మానసిక స్థితి సరిగా లేని వ్యక్తి తన వేలును తానే కోసుకుని, దాన్ని మేక్రాన్ కు పంపినట్టు ప్రాసిక్యూషన్ విభాగం భావిస్తోంది. ఈ ఘటనపై పోలీసుల దర్యాప్తు కొనసాగుతోంది.