తెలంగాణాలో కాంగ్రెస్ సునామి… బీఆర్ యస్ ,బీజేపీ ఎంఐఎంలు కొట్టకపోవడం ఖాయం ….రాహుల్ గాంధీ
తెలంగాణ ప్రజల సొమ్మును లూటీ చేసిన కేసీఆర్ కుటుంబం
సీఎం అంటే ప్రజాసేవకుడిగా కాకుండా రాజులాగా కేసీఆర్ వ్యహరిస్తున్నారు
బీజేపీ ,బీఆర్ యస్ , ఎంఐఎం ఒక్కటై కాంగ్రెస్ ను ఓడించేందుకు ప్రయత్నిస్తున్నాయి
ప్రజలు కాంగ్రెస్ ను గెలిపించాలని నిర్ణయానికి వచ్చారు ..
కాంగ్రెస్ కార్యకర్తలపై కేసులు ,వేధింపులు … కార్యకర్తలు పులులుగా విజృభించాలి …!
తెలంగాణలో కాంగ్రెస్ సునామి రాబోతుందని దానిముందు బీఆర్ యస్ , బీజేపీ , ఎంఐఎం పార్టీలు కొట్టుకొని పోవడం ఖాయమని ఏఐసీసీ అగ్రనేత రాహుల్ గాంధీ అన్నారు . మూడురోజుల పర్యటనలో భాగంగా రెండవరోజు గురువారం బస్సు యాత్రలో భాగంగా పెద్దపల్లి వచ్చినా రాహుల్ ఒక్కడా ఏర్పాటుచేసిన బహిరంగసభలో మాట్లాడారు …తెలంగాణ వికాసం కోసం ,ప్రజల బ్రతుకులు బాగుపడాలని , సోనియాగాంధీ తెలంగాణ రాష్ట్రం ఇస్తే ప్రజల సంక్షేమం , రాష్ట్ర అభివృద్ధిని మార్చిన కేసీఆర్ తన కుటుంబం లాభంకోసం తెలంగాణ రాష్ట్రాన్ని ఉపయోగించుకోవడం దారుణమని ధ్వజమెత్తారు . అన్ని వర్గాల ప్రజలు కేసీఆర్ కుటుంబాల పాలనపట్ల తీవ్ర అసంతృప్తితో ఉన్నారని ప్రజల సొమ్మును లూటిచేసిన కేసీఆర్ ఇంటికి పంపేందుకు సిద్ధంగా ఉన్నారని అన్నారు . గత పది సంవత్సరాలుగా కేసీఆర్ కాంగ్రెస్ కార్యకర్తలపై , ప్రజలపై కేసులు , వేధింపులకు గురి చేస్తున్నారని అందువల్ల కేసీఆర్ పాలనను అంతం చేయాలంటే కార్యకర్తలు పులులుగా విజృభించాలని పిలుపునిచ్చారు .. సీఎం అంటే ప్రజాసేవకుడిగా కాకుండా రాజ్యానికి రాజుల వ్యవహరిస్తున్నారని కేసీఆర్ పై రాహుల్ గాంధీ విమర్శలు గుప్పించారు . రాష్ట్రంలో కులగణన చేయకుండా ,మోడీ బాటలో కేసీఆర్ పయనిస్తున్నారని దుయ్యబట్టారు . కేసీఆర్ మంత్రివర్గంలో కుటుంబంలో ముగ్గురు మంత్రులు ఉంటె …జనాభాలో 50 శాతం పైగా ఉన్న బీసీలు కేవలం ముగ్గురు మాత్రమే ఉన్నారని ఇదేనా బీసీలపట్ల కేసీఆర్ ప్రేమ అంటూ నిలదీశారు …
బీఆర్ యస్ ,బీజేపీ , ఎంఐఎం పార్టీలు ఒక్కటే …
బీఆర్ యస్ ,బీజేపీ , ఎంఐఎం పార్టీలు ఒక్కటే అని వారు కేవలం కాంగ్రెస్ ను ఓడించేందుకు మాత్రమే పనిచేస్తున్నారని రాహుల్ గాంధీ విమర్శించారు . ఎంఐఎం అనేక రాష్ట్రాల్లో బీజేపీకి ఉపయోగపడేవిధంగా ప్రతిపక్షాలను దెబ్బతిస్నేదుకు పోటీ పెట్టి ప్రతిపక్షాల ఓట్లను చీల్చి బీజేపీకి ఉపయోగపడుతుందని అన్నారు .వారి నాటకాలను ప్రజలు గుర్తించాలన్నారు . తెలంగాణాలో వారు ఎన్ని ఎత్తులు వేసిన కాంగ్రెస్ ను అధికారంలోకి రాకుండా ఆపలేరని అన్నారు . కాంగ్రెస్ కార్యకర్తలు పులులుగా విజృభించాలని పిలుపునిచ్చారు . రాహుల్ గాంధీ ప్రసంగాలను ఎంపీ ఉత్తమ్ కుమార్ రెడ్డి తెలుగు అనువాదం చేశారు …కార్యక్రమంలో టీపీసీసీ అధ్యక్షులు రేవంత్ రెడ్డి , సీఎల్పీ నేత విక్రమార్క మల్లు ,మధు యాష్కీ , పొన్నం ప్రభాకర్ , శ్రీధర్ బాబు , ప్రచార కమిటీ కో -చైర్మన్ పొంగులేటి శ్రీనివాస్ రెడ్డి తదితరులు పాల్గొన్నారు ..
