ఐటీ ,ఈడీ దాడులు చేసి జైల్లో పెట్టినా, కాంగ్రెస్ గెలుపును ఆపలేరు …పొంగులేటి
కాంగ్రెస్ ను బలహీన పర్చాలని బీఆర్ యస్ బీజేపీ కుట్రలో భాగంగానే ఐటీ దాడులు
కుట్రలు కుతంత్రాలు కేసీఆర్ నేర్చుకున్న విద్య
ప్రజలు కేసీఆర్ మోసాలను , కుట్రలు , కుతంత్రాలను తెలుసుకున్నారు ..
ఐటీ ,ఈడీ దాడులతో నన్న దెబ్బతీయాలని చేస్తే జరిగేపనికాదు …అన్నిటికి తెగించే వచ్చాను … ఎన్ని కుట్రలు పన్నినా కుతంత్రాలు చేసిన వెనక్కు తగ్గేదిలేదని పొంగులేటి శ్రీనివాస్ రెడ్డి స్పష్టం చేశారు . ఆయన ఇంటిపై ఐటీ దాడుల కొనసాగుతున్న నేపథ్యంలో దాడులు జరుగుతుండగానే నామినేషన్ వేసేందుకు ఐటీ అధికారులు అనుమతిచ్చారు .ఈ సందర్భంగా తన ఇంటిముందు ఉన్న మీడియా తో ఆయన మాట్లాడుతూ ,బీఆర్ యస్ బీజేపీ కుట్రలో భాగంగానే ఈదాడులని ఆరోపించారు . తెల్లవారుతుండగానే 15 మంది ఐటీ అధికారులు ,10 సీఆర్పీఎఫ్ సిబ్బంది 5 05 గంటలు వచ్చారు …నేను ముందుగానే లేచి నాకోసం జిల్లాలోని వివిధ ప్రాంతాల నుంచి వచ్చే వాళ్ళకోసం బ్రెష్ చేస్తున్నాను …వచ్చిన వాళ్ళు యూ ఆర్ కమింగ్ ప్రం ఐటీ అన్నారు . మంచిది అన్నారు . వాళ్ళు అడిగినవాటిని ఇచ్చాం … వాళ్ళ హడావుడిని భట్టి మొత్తం 30 కి పైగా కేంద్రాల్లో దాడులు జరుగుతున్నట్లు అర్ధం అయిందన్నారు .
బీఆర్ యస్ బీజేపీ లు కలిసి ఎన్నికేసులైన పెట్టుకోండి భయపడేది లేదు …చివరకు జైల్లో పెట్టిన వెనకడుగు వేసే ప్రసక్తి లేదని పొంగులేటి కుండబద్దలు కొట్టారు . నన్ను ఇంట్లో నుంచి కూడా బయటకు రాకుండా అడ్డుకోవాలని చూశారు .నేను ఐటీ అధికారులకు చెప్పాను…ఎన్నికల్లో పోటీచేస్తున్నందున నామినేషన్ వేసేందుకు ముహూర్తం పెట్టుకున్నాను . నామినేషన్ కార్యక్రమానికి వేలాది మంది వస్తారు .నన్ను వెళ్లకుండా నిర్బంధిస్తే తరవాత జరిగే పరిణామాలకు నేను భాద్యుణ్ని కాదని దీంతో నామినేషన్ వేసేందుకు అనుమతి ఇచ్చారు అయితే వేసిన తర్వాత తిరిగి రావాలని అన్నారు . నేను ముందుగానే అభ్యర్థిగా ప్రచారం చేసేందుకు షడ్యూల్ నిర్ణయించుకున్నాను . నామినేషన్ వేసి వచ్చిన తర్వాత ఏమి జరుగుతుందో చూద్దాం అని అన్నారు .
కుట్రలు ,కుతంత్రాలు కేసీఆర్ కు వెన్నతో పెట్టిన విద్య
కుట్రలు ,కుతంత్రాలు కేసీఆర్ కు వెన్నతో పెట్టిన విద్య , బీజేపీ తో కుమ్మక్కై కాంగ్రెస్ అధికారంలోకి రాకుండా అడ్డుకోవాలని చూస్తున్నారు .అందులో భాగంగానే కాంగ్రెస్ నాయకుల ఇళ్లపై ఐటీ దాడులు చేయిస్తున్నారని అన్నారు . నాకు ఐటీ దాడుల గురించి ముందే తెలుసు …అయితే ఇది ఇన్ సైడ్ సమాచారం కాదు …నేను ఊహించాను నిన్న మీడియా తో కూడా చెప్పాను …అదే జరిగిందని అన్నారు . మీడియాతో మాట్లాడిన అనంతరం పొంగులేటి అక్కడ నుంచి వేలాది మంది వెంట రాగా ప్రదర్శనగా పాలేరు నియోజకవర్గ కాంగ్రెస్ అభ్యర్థిగా నామినేషన్ వేసేందుకు ఖమ్మం రూరల్ తహసీల్దార్ కార్యాలయానికి వెళ్లి నామినేషన్ వేశారు …
