ఆలేరు ఎమ్మెల్యే, ప్రభుత్వ విప్ బీర్ల అయిలయ్య ఇంట్లో ఆయన వ్యక్తిగత సహాయకుడు ఆత్మహత్యకు పాల్పడ్డారు. ఎమ్మెల్యేకు పీఏగా వ్యవహరిస్తున్న గందమల్ల రవి.. ఎమ్మెల్యే నివాసంలోనే పై అంతస్తులో ఉంటున్నారు. ఈ క్రమంలో శనివారం ఉదయం తను ఉంటున్న గదిలో ఉరి వేసుకున్నారు. గందమల్ల రవి ఆత్మహత్యకు కారణాలు తెలియాల్సి ఉందని పోలీసులు తెలిపారు. రవికి భార్య, ఇద్దరు కుమార్తెలు ఉన్నారని వివరించారు.
