అమెరికాలో కాల్పులు… తెలుగు యువకుడి విషాదాంతం

• అలబామాలో కాల్పులు
• విశాఖ వాసి చిట్టూరి సత్యకృష్ణ మృతి
• ఇటీవలే అమెరికా వెళ్లిన సత్యకృష్ణ
• సత్యకృష్ణ కుటుంబంలో విషాదం

తుపాకీ సంస్కృతికి ఆలవాలమైన అమెరికాలో మరోసారి కాల్పుల మోత మోగింది. ఏపీకి చెందిన ఓ యువకుడు ఈ కాల్పుల్లో మృతి చెందడం విషాదకరం. ఆ యువకుడిని విశాఖకు చెందిన చిట్టూరి సత్యకృష్ణగా గుర్తించారు. ఇటీవలే పై చదువుల కోసం అమెరికా వెళ్లిన సత్యకృష్ణ ఓల్డ్ బర్మింగ్ హామ్ లో పార్ట్ టైమ్ ఉద్యోగంలో చేరాడు. ఓ స్టోర్ లో పనిచేస్తున్నాడు. అలబామాలో జరిగిన కాల్పుల ఘటనలో 27 ఏళ్ల చిట్టూరి సత్యకృష్ణ మృత్యువాతపడ్డాడు. సత్యకృష్ణ మృతితో విశాఖలోని అతడి కుటుంబంలో విషాద ఛాయలు అలముకున్నాయి.