వంద‌లాది మంది మృతి చెందార‌ని మీడియాలో వార్త‌ల వేళ‌.. మ‌ర‌ణాల‌పై ఉక్రెయిన్ అధికారిక‌ ప్ర‌క‌ట‌న‌చేసింది .ఇప్పటివరకు ఏడుగురు చనిపోయారని ,తొమ్మిది మందికి తీవ్ర గాయాలు అయ్యాయని తెలిపింది అమాయ‌క ప్ర‌జ‌లూ మృతి చెందుతున్నారని యుక్రెయిన్ ఆందోళన వ్యక్తం చేసింది.

ర‌ష్యా-ఉక్రెయిన్ మ‌ధ్య యుద్ధం జ‌రుగుతోన్న విష‌యం తెలిసిందే. ఉక్రెయిన్‌లో ఇప్ప‌టికే వంద‌లాది మంది ప్ర‌జ‌లు ప్రాణాలు కోల్పోయిన‌ట్లు ప‌లు మీడియా సంస్థ‌లు చెబుతున్నాయి. ఈ నేప‌థ్యంలో ఉక్రెయిన్ మ‌ర‌ణాల సంఖ్య‌పై అధికారికంగా ఓ ప్ర‌క‌ట‌న చేసింది.

ర‌ష్యా దాడుల్లో ఇప్ప‌టివ‌ర‌కు ఏడుగురు మృతి చెందార‌ని, తొమ్మిది మందికి తీవ్ర‌గాయాల‌య్యాయని తెలిపింది. కాగా, ఉక్రెయిన్లోని కీల‌క ప్రాంతాల్లో సైనిక స్థావ‌రాల‌పై ర‌ష్యా జ‌రుపుతోన్న దాడుల్లో అమాయ‌క ప్ర‌జ‌లూ బ‌ల‌వుతున్నట్లు తెలుస్తోంది. యుద్ధాన్ని ఆపాల‌ని ప‌లు దేశాలు కోరుతున్నాయి. రేపు జీ7 దేశాల స‌మావేశం ఏర్పాటు చేయ‌నున్నారు.

రష్యా అధ్యక్షుడు పుతిన్ ఉక్రెయిన్ పై యుద్ధాన్ని ప్రకటించినట్టు తెలుసుకున్న శివ, అతడి తోటి భారతీయ విద్యార్థులు 50 మంది వెంటనే బ్యాగ్ సర్దుకుని రైలు ద్వారా రాజధాని కీవ్ కు చేరుకున్నారు. ఎయిర్ ఇండియా విమానం ద్వారా వెనక్కి వచ్చేద్దామని వారి ఆలోచన. కానీ, గగనతలాన్ని ఉక్రెయిన్ మూసివేయడంతో ఎయిర్ ఇండియా విమానం ఖాళీగా వెనుదిరిగింది.

కీవ్ కు చేరుకున్న భారత విద్యార్థుల బృందానికి ఎయిర్ స్పేస్ మూసేసిన విషయం తెలిసింది. తిరిగి యూనివర్సిటీకి వెళ్లిపోదామన్నా ప్రజా రవాణా పూర్తిగా నిలిచిపోయింది. అతడితోపాటు 50 మంది భారత విద్యార్థులు కీవ్ రైల్వే స్టేషన్ లో చిక్కుకుపోయారు.

‘‘ఏం జరుగుతుందో చెప్పలేను. మమ్మల్ని కాపాడేందుకు విమానాన్ని ఏర్పాటు చేయాలి. భారత్ వెళ్లిపోతాం’’ అని శివ చెప్పాడు. కుటుంబ సభ్యులతో మాట్లాడుతున్నామని, కొందరు విద్యార్థులు భారత ఎంబసీని సంప్రదించినట్టు తెలిపాడు. అంతర్జాతీయ విద్యార్థులను యూనివర్సిటీ పట్టించుకోవడం లేదని ఆవేదన వ్యక్తం చేశాడు. ప్రజారవాణా అందుబాటులోకి వస్తే తిరిగి యూనివర్సిటీకి అయినా వెళ్లిపోతామని చెప్పాడు.