కొత్త సచివాలయం ప్రారంభంపై ప్రతిపక్షాల మూతి విరుపులు…

కొత్త సచివాలయం ప్రారంభంపై ప్రతిపక్షాల మూతి విరుపులు…
-ప్రోటోకాల్ పాటించలేదని టీపీసీసీ అధ్యక్షుడు రేవంత్ రెడ్డి ధ్వజం
-తాము అధికారంలోకి వచ్చిన తర్వాత సచివాలయం ,అంబేత్కర్ విగ్రహం -ఏర్పాటులో అవినీతిపై విచారణ జరిపిస్తామన్న రేవంత్
-సచివాలయానికి వెళ్లబోమన్న బీజేపీ అధ్యక్షుడు బండి సంజయ్
-సచివాలయ ప్రాకారాలు మారుస్తామని వెల్లడి

తెలంగాణ రాష్ట్ర రాజధాని హైద్రాబాద్ లో సచివాలయాన్ని అత్యంత విలాసవంతంగా కేసీఆర్ నాయకత్వంలోని బీఆర్ యస్ సర్కార్ నిర్మించింది. దేశంలోనే ఇలాంటి సచివాలయంలేదని అంటున్నారు. అమెరికా పార్లమెంట్ శ్వేతా సౌధాన్ని పోలిన విధంగా ఉన్న ఈ భవనం అందంగా నిర్మించారు .సుమారు 800 కోట్లు ఖర్చు అయిందని అంటున్నారు .అయితే ఇది రాష్ట్ర సిగలో మరో మణిహారమని అభిప్రాయాలు ఉండగా లేదు…లేదు ఇది అవినీతి సౌధమని , రాష్ట్రంలో అప్పుల్లో ఉండగా ఉన్న సచివాలయాన్ని కూల్చి కొత్తది నిర్మించడం పై విమర్శలు ఉన్నాయి. ఇది ఒక్క బీఆర్ యస్ భవనం లాగా ప్రారంభోత్సవానికి ప్రోటోకాల్ పాటించలేదని టీపీసీసీ అధ్యక్షుడు రేవంత్ రెడ్డి విమర్శించారు . తమ పార్టీ అధికారంలోకి వచ్చిన తర్వాత కచ్చితంగా బీఆర్ యస్ ప్రభుత్వం అవినీతిపై విచారణ జరిపిస్తామని ప్రకటించారు . సచివాలయానికి కనీసం రాష్ట్ర గవర్నర్ తమిళ సై ని పిలవక పోవడాన్ని రేవంత్ తప్పు పట్టారు . ఇది సీఎం చంద్రశేఖర్ రావు నియంత విధానాలకు పరాకాష్టని పేర్కొన్నారు .

బీజేపీ రాష్ట్ర అధ్యక్షుడు బండి సంజయ్ మాట్లాడుతూ సచివాలయ ప్రాకారాలు మర్చి తీరుతామని తాము అధికారంలోకి రాగానే జరిగేది అదేనన్నారు . అప్పటివరకు సచివాలయంలో అడుగు పెట్టబోమని శపథం చేశారు . అయితే బీజేపీకి చెందిన దుబ్బాక ఎమ్మెల్యే రఘునందన్ రావు తాను సోమవారం సచివాలయానికి వెళ్లి సీఎంను కలిసి నియోజకవర్గానికి సంబందించిన సమస్యలపై వినతి పత్రం ఇస్తానని అన్నారు . బీజేపీకి చెందిన హుజురాబాద్ ఎమ్మెల్యే ఈటెల రాజేందర్ మాట్లాడుతూ ఇప్పైటికైనా సీఎం కేసీఆర్ సచివాలయం నుంచి కార్యక్రమాలు నిర్వహించాలని కోరారు . బీజేపీలోనే సచివాలయం విషయంలో భిన్నమైన అభిప్రాయాలు ఉన్నాయి. అయితే గవర్నర్ ను కార్యక్రమానికి పిలవకపోవడంపై పార్టీలకు అతీతంగా ప్రజల్లో చర్చనీయాంశంగా మారింది….