కర్ణాటక అసెంబ్లీ ఎన్నికల్లో ఘనవిజయం సాధించిన కాంగ్రెస్ ఇప్పుడు సీఎం అభ్యర్థి ఎంపిక పై ద్రుష్టి సారించింది . ఇద్దరు నేతలు సీఎం సీటుకోసం పోటీపడుతున్నారు . అయితే ప్రజలు మెచ్చిన నాయకుడిగా సిద్దరామయ్య ఉండగా , పార్టీ మెచ్చిన నాయకుడిగా డీకే శివకుమార్ ఉన్నారు . ఇద్దరు ఇద్దరే పార్టీని కష్టకాలంలో ఆదుకున్నారు . కేంద్రంలోని బీజేపీ ప్రభుత్వం అనేక ఇబ్బందులు పెట్టిన భరించారు . అందుకే సీఎం అభ్యర్థి ఎంపికలో కాంగ్రెస్ అధిష్టానం ఆచితూచి అడుగులు వేస్తుంది….సాయంత్రం కొత్తగా ఎన్నికకైనా శాసన సభ్యులతో జరిగే సమావేశంలో సీఎం ను ఖరారు చేస్తారు . ఇద్దరి మధ్య పోటీ ఉన్న ఎంపికలో పెద్ద ఇబ్బందులు ఉండక పోవచ్చునని రాజకీయ పరిశీలకుల అభిప్రాయం …

కర్ణాటకలో గొప్ప విజయం సాధించిన కాంగ్రెస్.. ప్రభుత్వం ఏర్పాటుకు సిద్ధమవుతోంది. నేటి సాయంత్రం ఆరు గంటలకు జరగనున్న పార్టీ శాసనసభా పక్ష (సీఎల్పీ) సమావేశంలో ఎమ్మెల్యేలు సీఎంను ఎన్నుకోనున్నారు. సీఎం సీటు కోసం సిద్ధరామయ్య, డీకే శివకుమార్‌ మధ్య పోటీ నెలకొన్నప్పటికీ కాంగ్రెస్ అధిష్ఠానం సిద్దరామయ్య వైపే మొగ్గు చూపుతున్నట్టు సమాచారం. కాగా, పార్టీ అధ్యక్షుడు మల్లిఖార్జున ఖర్గే, కేసీ వేణుగోపాల్, కాంగ్రెస్ సీనియర్ నేత సుర్జేవాల్ సమక్షంలో జరగనున్న సీఎల్పీ సమావేశంలో ఎమ్మెల్యేలు తమ నేతను ఎన్నుకుంటారు. అనంతరం, నేతలు గవర్నర్‌ను కలుస్తారు.