సుప్రీంకోర్టు చీఫ్ జస్టిస్ ఎన్వీ రమణను కలిసిన జగన్!
-సిజెఐ గౌరవార్థం ఏపీ ప్రభుత్వ హై – టీ ఏర్పాటు
-హాజరైన సిజెఐ జస్టిస్ ఎన్వీ రమణ ,పలువురు సుప్రీం కోర్ట్ జడ్జీలు
-తెలంగాణ , ఏపీ హైకోర్టు ప్రధాన న్యాయమూర్తులు
-ఏపీ పర్యటనలో ఉన్న ఎన్వీ రమణ
-కడప పర్యటనను పూర్తి చేసుకుని విజయవాడ చేరుకున్న జగన్
-సతీసమేతంగా సీజేఐని మర్యాదపూర్వకంగా కలిసిన సీఎం
సుప్రీంకోర్టు చీఫ్ జస్టిస్ ఎన్వీ రమణ ఏపీలో పర్యటనలో ఉన్న సంగతి తెలిసిందే. ఈ సందర్భంగా ఆయనను ఏపీ సీఎం జగన్ కలిశారు. తన భార్య భారతితో కలిసి మర్యాదపూర్వకంగా కలిశారు. క్రిస్మస్ సందర్భంగా మూడు రోజుల కడప జిల్లా పర్యటనకు వెళ్లిన జగన్… తన పర్యటనను ముగించుకుని ఈ మధ్యాహ్నం విజయవాడకు చేరుకున్నారు.
తర్వాత నేరుగా నొవోటెల్ హోటల్ కు వెళ్లిన జగన్… అక్కడ భారత ప్రధాన న్యాయమూర్తిని కలిశారు. మరోవైపు నిన్న తన స్వగ్రామమైన కృష్ణా జిల్లా పొన్నవరంకు ఎన్వీ రమణ వెళ్లారు. ఈ సందర్భంగా ఆయన ఘన స్వాగతం లభించింది. ఈ సందర్భంగా ఏర్పాటు చేసిన ఆత్మీయ సభకు ఇరు రాష్ట్రాల హైకోర్టు చీఫ్ జస్టిస్ లు, పలువురు ఏపీ మంత్రులు హాజరయ్యారు.
అనంతరం ఇందిరాగాంధీ మున్సిపల్ స్టేడియం లో రాష్ట్ర ప్రభుత్వం సిజెఐ గౌరవార్థం ఏర్పాటు చేసిన హై-టీ కార్యక్రమంలో లో ముఖ్యమంత్రి జగన్ మోహన్ రెడ్డి పాల్గొన్నారు. ఈ సందర్భంగా సిజెఐ తో పాటు సుప్రీం కోర్ట్ , హై కోర్ట్ జడ్జీలను శాలువాలతో సీఎం జగన్ ఘనంగా సత్కరించారు.తిరుమల వెంకటేశ్వర స్వామి విగ్రహాలను అందించారు. కార్యక్రమంలో పలువురు మంత్రులు ,రాష్ట్ర ప్రభుత్వ చీఫ్ సెక్రటరీ ,డీజీపీ , ఇతర ఉన్నతాధికారులు , హైకోర్టు ,సుప్రీం కోర్ట్ జడ్జీలు పాల్గొన్నారు.
