- డీకేపై ఆదాయానికి మించిన ఆస్తుల కేసు
- కేసును కొట్టివేయాలని కోరుతూ డీకే పిటిషన్
- పిటిషన్ ను తోసిపుచ్చిన హైకోర్టు
కర్ణాటక డిప్యూటీ సీఎం డీకే శివకుమార్ కు కర్ణాటక హైకోర్టులో ఎదురుదెబ్బ తగిలింది. ఆదాయానికి మించిన ఆస్తుల కేసులో తనపై సీబీఐ దాఖలు చేసిన కేసును కొట్టివేయాలని హైకోర్టులో శివకుమార్ పిటిషన్ వేశారు. ఈ పిటిషన్ ను హైకోర్టు కొట్టివేసింది. అంతేకాదు ఈ కేసు విచారణను మూడు నెలల్లో పూర్తి చేయాలని సీబీఐని ఆదేశించింది. డీకే ఆస్తుల విచారణపై ఉన్న స్టేను ఎత్తివేసింది. అక్రమాస్తుల కేసులో డీకేపై 2020 అక్టోబర్ 3న సీబీఐ ఎఫ్ఐఆర్ ను నమోదు చేసింది.
