‘గో బ్యాక్’ అంటూ అమరావతి రైతుల పాదయాత్రకు వ్యతిరేకంగా పోస్టర్లు!

ఏపీలో మూడు రాజధానులు …లేదు అమరావతి రాజధానిగా ఉండాలని రెండు రకాల వర్షన్లతో అక్కడ ఒకరకమైన యుద్ధం జరుగుతుంది…మూడు పంటలు పండే అమరావతి ప్రాంతంలోని 29 గ్రామాలకు చెందిన రైతులవద్ద భూములు సేకరించిన ప్రభుత్వం అమరావతిని అభివృద్ధి చేస్తామని , భూములు ఇచ్చిన రైతులకు అభివృద్ధి చేసిన భూముల్లో ప్లాట్లు ఇస్తామని అగ్రిమెంట్ చేసుకున్నది చంద్రబాబు ప్రభుత్వం ..తర్వాత అధికారంలోకి వచ్చిన జగన్ ప్రభుత్వం అమరావతి శాసనరాజధానిగా విశాఖ ఎక్సక్యూటివ్ రాజధానిగా , న్యాయరాజధానిగా కర్నూల్ ను చేస్తామని అసెంబ్లీ లో తీర్మానం చేసింది. దీనిపై 29 గ్రామాలకు చెందిన రైతులు కమిటీగా ఏర్పడి హైకోర్టు కు వెళ్లారు .దీంతో కోర్ట్ జోక్యం చేసుకొని అమరావతిని అభివృద్ధి చేయాలనీ తీర్పు నిచ్చింది.29 గ్రామాల రైతుల ప్రయోజనాలు , అన్ని ప్రాంతాల అభివృద్ధి అనేది చర్చకు దారితీసింది. దీనిపై మిగతా ప్రాంతాలు మౌనంగా ఉన్నాయనే అభిప్రాయాలు ఇప్పటివరకు ఉన్నాయి. కానీ అరసవల్లి యాత్రకు రైతులు బయలు దేరడంతో తిరిగి రాష్ట్రంలో ఉద్రిక్త పరిస్థితులు నెలకొన్నాయి.తాడేపల్లిలో మూడు రాజధానులు ముద్దు అనే నినాదంతో పోస్టర్లు వెలిశాయి. ఇది రాజధాని యాత్రకాదు కేవలం టీడీపీ రాజకీయ యాత్ర అంటూ విమర్శలు చోటు చేసుకుంటున్నాయి.